ઓટો / વાહન ચાલકો માટે મોટા સમાચાર, સરકાર ટૂંક સમયમાં લાગુ પાડી રહી છે ફાયદાકારક નિયમ, 5-10 ટકા ઈંધણની બચત

• દેશમાં હવે એસી, ફ્રીઝની જેમ વાહનોનો ટાયર પર કરાશે રેટિંગ્સ
• એટલે કે ટાયરને 1 સ્ટાર, 2 સ્ટાર, 3 સ્ટાર, 4 સ્ટાર અને 5 સ્ટારનું રેટિંગ્સ અપાશે
• કેન્દ્ર સરકારે ટૂંક સમયમાં ટાયર રેટિંગની જાહેરાત કરશે
• વાહનમાં 5 સ્ટાર ટાયર 5 થી 10 ટકા પેટ્રોલ-ડીઝલની કરી શકે બચત 

એસી અને ફ્રીઝ સહિતના કેટલાક ઈલેક્ટ્રોનિક ઉપકરણોના સ્ટાર રેટિંગ લગાવવામાં આવતા હોય છે જેટલા વધારે સ્ટાર તેટલી વસ્તુ સારી ક્વોલિટીની હોય છે અને તે ઘણો લાંબો સમય સુધી ચાલે છે. દેશમાં હવે આગામી સમયમાં વાહનોના ટાયરને પણ સ્ટાર રેટિંગ આપવાની સરકારની યોજના છે અને આ માટે સરકાર ટૂંક સમયમાં વાહનો પર સ્ટાર રેટિંગ લાગુ પાડશે. 

ટાયર પર લાગશે 1 સ્ટારથી લઈને 5 સ્ટાર

સત્તાવાર સૂત્રોના જણાવ્યાનુસાર, રેટિંગની માફક ટાયર્સની ક્વોલિટી માટે પણ હવે રેટિંગ સિસ્ટમ લાગૂ કરવાનુ કેન્દ્ર સરકાર વિચારણા કરી રહી છે. જેમાં 5 સ્ટાર રેટિંગ્સના ટાયર્સને ફ્યુઅલ એફિશિએન્સીનો ફાયદો મળશે. અત્યાર સુધી ટાયર્સની ક્વોલિટી માટે BISનો નિયમ લાગૂ પડે છે. ટાયર્સની ક્વોલિટીમાં સ્ટાર રેટિંગ્સ દાખલ થયા બાદ કેન્દ્ર સરકાર ખરાબ ક્વોલિટીની આયાત પર પ્રતિબંધ મુકી શકે છે.

વાહનમાં 5 સ્ટાર ટાયર લગાવવાથી 5 થી 10 ટકા ઈંધણ બચે છે 
ઉલ્લેખનીય છે કે, વાહનમાં 5 સ્ટાર ટાયર લગાવવાથી ફ્યુઅલ એફિશિએન્સી 5થી 10 ટકા વધી શકે છે.

મિનિસ્ટ્રી ઓફ હેવી ઈન્ડસ્ટ્રીઝે  ટાયર ઉદ્યોગ સાથે ચર્ચાવિચારણા શરુ કરી 

મિનિસ્ટ્રી ઓફ હેવી ઈન્ડસ્ટ્રીઝે આ માટે ટાયર ઉદ્યોગ સાથે ચર્ચાવિચારણા શરુ પણ કરી દીધી છે. સરકારનું માનવું છે કે ટાયર પર સ્ટાર રેટિંગ લગાડવાથી સસ્તા અને હલકી કક્ષાના ટાયરની ખબર પડી જશે અને તેને દૂર કરી શકાશે. 

ટાયર પર સ્ટાર રેટિંગ લગાડવાથી શું ફાયદો થશે
ભારે ઉદ્યોગ મંત્રાલય હેઠળ આવતી ARAIએ એવું જણાવ્યું કે ટાયર પર સ્ટાર રેટિંગ લગાડવાના નવા નિયમથી મુસાફરી વધારે સરળ બની જશે. સ્ટાર રેટિંગ લગાડવાનો મૂળ હેતુ ટાયર વધારે ફ્યુઅલ એફિશિયન્ટ (ઓછું ઈંધણ વાપરે) બને તેવો છે. 5 સ્ટાર ટાયર લગાડવથી ઈંધણમાં 5 થી 10 ટકાની બચત થઈ શકે છે. વળાંકવાળા અને ખાડાટેકરાવાળા રસ્તાઓ પર ટાયરની પકડ કેવી છે તેની ખબર પણ આ રેટિંગથી પડી જશે. કયું રેટિંગ વધારે ઈંધણ બચાવી શકે છે તેવી માહિતી પણ આપવામાં આવશે. 

હાલનો નિયમ 
હાલમાં તો વાહનોના ટાયરની ગુણવત્તા માટે BISના નિયમો લાગુ પડે છે. BIS નિયમો પણ સ્ટાર રેટિંગ જેવી જ ગુણવત્તા ધરાવે છે પરંતુ તેમાં વાહન ચાલકોને ખબર પડતી નથી કે કયા ટાયર ખરીદવા. કારણ કે તમામ ટાયર BIS સર્ટિફિકેટ વાળા આવે છે પરંતુ સ્ટાર લગાડવાથી લોકોને ખબર પડી જશે કયું ટાયર સારી ગુણવત્તાનું છે.