ડ્રાફ્ટ / દેશની કો-ઓપરેટિવ બેન્કોની કમાન RBIને સોંપવા તૈયારી

• સરકાર દ્વારા બેન્કિંગ રેગ્યુલેશન એક્ટમાં સુધારાની તૈયારી
• કો-ઓપરેટિવ બેન્કોની કમાન આરબીઆઇને સોંપવાની દિશા તરફ કામ
• બેન્કમાં જમા નાણાંની ગેરંટી એક લાખથી વધારી ત્રણ લાખ કરાય તેવી શક્યતા

કૃષિ મંત્રાલયે આ સુધારાને લઇને પોતાની મંજૂરી પણ આપી દીધી છે. તેમાં જણાવાયું છે કે કો-ઓપરેટિવ બેન્કોની તમામ પ્રવૃત્તિ બેન્કિંગ રેગ્યુલેશન એક્ટ હેઠળ આરબીઆઇ દ્વારા રેગ્યુલેટ કરવામાં આવશે.

બેન્કિંગ રેગ્યુલેશન એક્ટમાં બદલાવને લઇ નાણાકીય સેવા વિભાગ કામ કરી રહ્યો છે. સંસદના શિયાળુ સત્રમાં આ અંગે બિલ લાવવામાં આવશે. શક્ય છે કે સરકાર આરબીઆઇને આ બેન્કોમાં નિમણૂકથી લઇને કોર્પોરેટ ગવર્નન્સ સ્ટ્રક્ચરમાં બદલાવની સત્તા પણ આપી શકે છે.

દરમિયાન કો-ઓપરેટિવ સેક્ટરની પીએમસી બેન્કના કૌભાંડને લઇ છેડાયેલા વિવાદ વચ્ચે કેન્દ્ર સરકાર હવે બેન્ક ખાતામાં જમા રકમ પર ઇન્સ્યોરન્સ ગેરંટીની મર્યાદા વધારવાની તૈયારીમાં છે. આ માટે સંસદ શિયાળુ સત્રમાં સુધારા વિધેયક રજૂ કરી શકે છે.

કેન્દ્રીય નાણાપ્રધાન સીતારમને જણાવ્યું હતું કે બેન્ક ડિપોઝિટ એન્ડ ડેબ્ટ ગેરંટી રેગ્યુલેશન યોજના હેઠળ થાપણદારોને રક્ષણ આપવા માટે રૂ.એક લાખની વર્તમાન ઇન્સ્યોરન્સ ગેરંટી મર્યાદા છે તે વધારવામાં આવી શકે છે. અહેવાલ અનુસાર સરકાર બેન્કમાં જમા નાણાંની ગેરંટી એક લાખથી વધારી ત્રણ લાખ કરી શકે છે.