તૈયારી / સરકારે જારી કર્યો વેજ કોડ ડ્રાફ્ટ, હવે કરવું પડી શકે છે આટલા કલાક વધારે કામ

આ ડ્રાફ્ટમાં સરકારે મોટાભાગે જૂના સૂચનો પણ મૂક્યા છે જેમાં મજૂરી નક્કી કરવા માટે સમગ્ર દેશને ત્રણ જિયોગ્રાફિકલ વર્ગોમાં વહેંચવામાં આવ્યા છે. શ્રમ મંત્રાલયે તમામ સંબંધિત પક્ષોથી આ ડ્રાફ્ટ પર એક મહિનાની અંદર સૂચનો આપવા કહ્યું છે. 

એક્સપર્ટ કમિટી નક્કી કરશે મિનિમમ વેજ
સરકાર તરફથી જારી ડ્રાફ્ટમાં મિનિમમ વેજ નક્કી કરવાને લઇને કોઇ સ્પષ્ટ નિર્દેશ આપવામાં આવ્યા નથી. ડ્રાફ્ટમાં કહેવામાં આવ્યું છે કે ભવિષ્યમાં એક એક્સપર્ટ કમિટી મિનિમમ વેજ નક્કી કરવાની ભલામણ સરકારને કરશે. આ ઉપરાંત હાલના ,મયમાં ચાલી રહેલા 8 કલાક દરરોજ કામકાજના નિયમને લઇને પણ ડ્રાફ્ટમાં કોઇ સ્પષ્ટતા નથી. હાલ આ નિયમ હેઠળ 26 દિવસ કામ બાદ સેલેરી નક્કી થાય છે. 

જાન્યુઆરીમાં 375 રૂપિયા પ્રતિદિનની ભલામણ
શ્રમ મંત્રાલયે એક ઇન્ટરનલ પેનલે જાન્યુઆરીમાં પોતાના રિપોર્ટમાં 375 રૂપિયા પ્રતિદિનના હિસાબથી નેશનલ મિનિમમ વેજ નક્કી કરવાની ભલામણ કરી હતી. પેનલે આ મિનિમમ વેજને જુલાઇ 2018થી લાગૂ કરવાનું કહ્યું હતું. સાત સભ્ય પેનલે મિનિમમ મંથલી વેજ 9750 રૂપિયા રાખવાની ભલામણ કરી હતી. સાથે જ શહેરી કામગારો માટે 1430 રૂપિયાનું હાઉસિંગ અલાઉન્સ આપવાનું સૂચન આપ્યું હતું. 

દેશ ત્રણ જિયોગ્રાફીકલ વર્ગોમાં વહેંચવાનો પ્રસ્તાવ 
પ્રસ્તાવિત ડ્રાફ્ટમાં મિનિમમ વેજ નક્કી કરવા માટે સમગ્ર દેશને ત્રણ જિયોગ્રાફિકલ વર્ગોમાં વહેંચવાની ભલામણ કરી છે. એમાં પહેલા વર્ગમાં 40 લાખ અથવા એનાથી વધારેની આબાદી વાળા મેટ્રોપોલિટન શહેર, બીજા વર્ગમાં 10 થી 40 લાખ સુધીની આબાદી વાળા નૉન મેટ્રોપોલિટન શહેર અને ત્રીજા વર્ગમાં ગ્રામીણ વિસ્તારોને સામેલ કરવામાં આવ્યા છે.