ઉતરાયણ / ચાઈનીઝ દોરી સામે હાઇકોર્ટના કડક વલણ મામલે સરકારે રજૂ કર્યું સોગંદનામુ, જુઓ જવાબમાં શુ કહ્યું?

• ચાઈનીઝ દોરી સામે HCના કડક વલણનો મામલો
• ગુજરાત સરકારે HCમાં સોગંદનામુ દાખલ કર્યુ
• ગૃહ વિભાગ અને DGPએ સત્તાવાર નોટિફિકેશન કર્યુ: સરકાર 

ઉતરાયણ પર્વને આડે હવે ગણતરીના દિવસો બાકી રહ્યા છે. ત્યારે બજારમાં પતંગનું ધોમ વેચાણ થઈ રહ્યું છે. જેમાં પણ પ્રતિબંધ હોવા છતાં અનેક શહેરોમા ચાઈનીઝ દોરીનું વેચાણ થઈ રહ્યું છે. જેને લઈને અનેક શહેરોમાં અકસ્માતની ઘટના પણ સામે આવી છે  આ મામલે હાઇકોર્ટે  કડક વલણ અપનાવ્યું છે.ગુજરાત હાઇકોર્ટ કડક શબ્દોમાં કહ્યું કે ઘાતક દોરીના કારણે નાગરિકોનો મૃત્યુ થાય કે તેમને ઈજા થાય તે ચલાવી લેવાશે નહીં. વધુમાં ચાઈનીઝ દોરી મામલે જાહેરનામાના અમલીકરણ કરવા વિશે HCએ માહિતી માંગી હતી. જેને પગલે રાજ્ય સરકાર દ્વારા હાઇકોર્ટમાં સોગંદનામુ દાખલ કરવામાં આવ્યું છે. જેના જવાબમાં સરકારે જણાવ્યું કે ચાઇનીઝ દોરીના પ્રતિબંધ મામલે ગૃહ વિભાગ અને DGPએ સત્તાવાર નોટિફિકેશન જાહેર કર્યું છે.

સરકારે જવાબમાં જણાવ્યું કે ...

વધુમાં સરકારે જણાવ્યું કે પ્રતિબંધિત દોરી વેચનાર સામે કડક કાર્યવાહીના આદેશ પણ સંબંધિત વિભાગને કરવામાં આવ્યા હોવાનું ગુજરાત સરકારે HCમાં સોગંદનામુ દાખલ કર્યુ છે. હાઇકોર્ટે બે દિવસમાં એફિડેવિટ રજૂ કરવા માટે હુકમ કર્યો હતો. જેના ભાગરૂપે આજે સરકારે જવાબ રજૂ કર્યો હતો.

શુ હતો સમગ્ર મામલો

ઉત્તરાયણના તહેવાર દરમિયાન લોકોના અને પક્ષીઓના જીવને ધ્યાને રાખીને એક અરજી ગુજરાત હાઇકોર્ટમાં કરવામાં આવી હતી. જેમાં ગ્રીન ટ્રીબ્યુનલ અને સુપ્રીમ કોર્ટના ચુકાદા મામલે ચુસ્તપણે અમલ કરવા જણાવાયું હતું.વધુમાં ચાઈનીઝ દોરી અને તુક્કલની સાથે દેશી દોરીમાં કાચનો ભુક્કો લગાવવામાં આવે છે જેની સામે પણ પગલાંની માંગ ઉઠી હતી. ત્યારે જેમાં સમગ્ર મામલે સુનાવણી હાથ ધરાઈ અને હાઇકોર્ટે સરકાર પાસે ખુલાસો માગ્યો હતો. વધુમાં બે દિવસમાં જવાબ રજૂ કરવા સૂચન કરાયું હતું.