ન્યૂ દિલ્હીઃ સાડા ચાર વર્ષમાં પ્રધાનમંત્રી નરેન્દ્ર મોદીની વિદેશ યાત્રાઓ પર સરકારે અંદાજે 280 મિલિયન ડૉલર (2 હજાર કરોડ રૂપિયા) ખર્ચ કરાયો છે. બ્લૂમબર્ગનાં રિપોર્ટ અનુસાર વિદેશ રાજ્ય મંત્રી વીકે સિંહે સંસદમાં પૂછવામાં આવેલ એક સવાલનાં પ્રત્યુત્તરમાં આ જાણકારી આપી છે. વિદેશ મંત્રાલયે જાણકારી આપતા કહ્યું કે આ દરમ્યાન પ્રધાનમંત્રી મોદીએ અંદાજે 84 વખત વિદેશ યાત્રા કરી.
આની પર કરાયો સૌથી વધુ ખર્ચઃ
જેટલી વાર પણ પ્રધાનમંત્રીએ વિદેશ યાત્રા કરી તેમાં સૌથી વધારે ખર્ચ એર ઇન્ડીયા વનની જાળવણી અને સુરક્ષિત હોટલાઇનને સ્થાપિત કરાવવામાં લાગ્યાં છે. આ સિવાય જે પૈસા ખર્ચ કરવામાં આવ્યાં તેમાં અન્ય તમામ ખર્ચાઓ શામેલ છે. જેનાં વિશે સુરક્ષા કારણોથી ના જણાવી શકાય.
2014માં જાપાનથી શરૂ થયો વિદેશ પ્રવાસઃ
મેં 2014માં પ્રધાનમંત્રી બનતા જ નરેન્દ્ર મોદીની જાપાનમાં વિદેશી મુલાકાત શરૂ થઇ હતી. જાપાનમાં તેઓએ સૌથી પહેલાં પીએમ શિંજો આબે સાથે મુલાકાત કરી હતી. તેઓ અનેક વાર અમેરિકી રાષ્ટ્રપતિ ડોનાલ્ડ ટ્રમ્પ અને આંબે સાથે મુલાકાત કરી ચૂકેલ છે. આ સિવાય પડોશી દેશ ચીનનાં રાષ્ટ્રપતિ શી જિનપિંગ સાથે પણ અનેક વાર મુલાકાત કરી.
વિદેશી મુલાકાતની કરાઇ આલોચનાઃ
જો કે વિપક્ષ શરૂઆતથી મોદીની વિદેશી મુલાકાતની આલોચના કરતા રહ્યાં. 8 નવેમ્બર 2016નાં રોજ નોટબંધીની જાહેરાત કર્યા બાદ એક વાર ફરીથી જાપાન ગયા હતાં જેનાં વિશે પણ વિપક્ષે વધારે આલોચના કરતા કહ્યું હતું કે લોકોની પાસે પૈસા નથી અને પીએમ મોદી વિદેશી મુલાકાત લઇ રહ્યાં છે.