નવી દિલ્હી: કેન્દ્ર સરકાર સુકન્યા સમૃદ્ધિ યોજનામાં વર્ષના ઓછામાં ઓછા જમા રકમની સીમાને 1000 રૂપિયાથી ઘટાડીને 250 રૂપિયા કરી દીધી છે. સરકારના આ પગલાથી પોલિસી લેનાર લોકોની સંખ્યામાં વધારો થઇ શકે છે. ગર્લ ચાઉલ્ડના નામ પણ આ સેવિંગ સ્કીમને મોદી સરકારના કાર્યકાળમાં શરૂ કરવામાં આવી છે. સરકારે સુકન્યા સમૃદ્ધિ અકાઉન્ટ રુલ્સ 2016માં સંશોધન કરી દીધું છે. એ પ્રમાણે હવે 250 રૂપિયા વર્ષના જમા કરીને પણ પોલિસી લઇ શકાય છે.
જણાવી દઈએ કે 2018 19ના બજેટને રજૂ કરતા નાણામંત્રી અરુણ જેટલીએ કહ્યું હતું કે આ સ્કીમ મોદી સરકારની મોટી સફળતાઓમાથી એક છે. જેટલીએ બજેટમાં કહ્યું હતું કે નવેમ્બર 2017 સુધી આ સ્કીમ અંતર્ગત 1.26 કરોડ ખાતા ખુલ્યા હતા અને તેમાં 19 183 કરોડ રૂપિયા જમા થયા છે. પીપીએફ અને અન્ય નાની બચત યોજનાની જેમ આ સ્કીમનું વ્યાજ દર પણ ત્રિમાસિક આધાર પર નક્કી થશે.
જુલાઇ સપ્ટેમ્બર ત્રિમાસિક માટે આ સ્કીમના વ્યાજદર 8.1 ટકા નક્કી કરવામાં આવી છે. સ્કીમ પ્રમાણે ગર્લ ચાઇલ્ડની 10 વર્ષના આયુષ્ય સુધી માતા પિતા તેના નામનું એકાઉન્ટ ખોલાવી શકે છે. સરકારના નોટિફિકેશન મુજબ સુકન્યા સમૃદ્ધિ યોજના અંતર્ગત કોઈપણ પોસ્ટ ઓફિસ બ્રાન્ચ અને સરકારી બેંકમાં એકાઉન્ટ ખોલાવી શકાય છે.