VIDEO / TRB જવાનને હાથ ઉપાડવાનો હક કોણે આપ્યો? જામનગરની શરમજનક ઘટના, દિવ્યાંગને લાફો માર્યો

• જામનગરના TRB જવાનની દાદાગીરી આવી સામે 
• નાગનાથ નાકા વિસ્તારની ઘટના 
• TRB જવાને દિવ્યાંગ વ્યક્તિને માર્યો લાફો

રાજ્યના TRB જવાનની દાદાગીરીના અનેક કિસ્સાઓ છાશવારે સામે આવતા હોય છે. તેવો જ એક કિસ્સો જામનગરમાં સામે આવ્યો છે. જામનગરના નાગનાથ નાકા વિસ્તારમાં TRB જવાને તમામ હદ વટાવી દિવ્યાંગ વ્યક્તિને જોરદાર લાફો ઝીંકી લીધો હતો. આ ઘટનાને લઇને લોકોમાં રોષ ફેલાયો હતો.આ અંગેનો વિડીયો વાયરલ થયો છે. જુઓ વિડીયો... 

TRB જવાનની દાદાગીરી તો જુઓ દિવ્યાંગને લાફો મારી દીધો, જામનગરનો VIDEO વાયરલ pic.twitter.com/G2Ua41LKst

— Dr_Mayur (@WhoMayurSolanki) August 11, 2022

દશરથસિંહ જાડેજાને TRB જવાને માર્યો લાફો

જામનગરના નાગનાથ નાકા વિસ્તારમાં TRB જવાન દશરથસિંહ જાડેજા અને દિવ્યાંગ વ્યક્તિ વચ્ચે ભરબજારે માથાકૂટ થઇ હતી. જોતજોતામાં ઉગ્ર બોલાચાલી થતાં લોકોના ટોળા ભેગા થઇ ગયા હતા. આ દરમિયાન પિત્તો ગુમાવી બેઠેલા TRB જવાન દશરથસિંહ જાડેજાએ  દિવ્યાંગ વ્યક્તિને લાફો ઝીંકી લેતા લોકો ક્ષણીક સ્તબ્ધ થઇ ગયા હતા. જાહેરમાં વિકલાંગ વ્યક્તિને ફડાકો ઝીંકીને રૂબાબ બતાવતા  TRB જવાન સામે લોકોમાં રોષ ફેલાયો હતો.  આ મામલે દિવ્યાંગ વ્યક્તિ અપશબ્દો બોલ્યા હોવાનો TRB જવાન દશરથસિંહ જાડેજા આરોપ લગાવ્યો હતો.  મહત્વનું છે કે  TRB જવાનના રૂવાબના અનેક વખત કિસ્સાઓ સામે આવતા હોય છે ત્યાંરે આ મામલે જવાબદાર અધિકારીઓ TRB જવાન વિરુદ્ધ કાર્યવાહી કરી શિષ્તના પાઠ ભણાવે તેવી લોકોમાથી માંગ ઉઠી છે.