લદ્દાખની ગલવાન ઘાટીમાં ભારત અને ચીનના સૈનિકો વચ્ચે હિંસક અથડામણ બાદ ભારતે સરકારે ચીનની 59 એપ્સ પર પ્રતિબંધ લાદ્યો છે. જો કે, ત્યારબાદ હવે સરકાર વધુ 20 એપ્સની ડેટા શેરિંગ પોલીસીની સમીક્ષા કરી રહ્યા છે.
ભારત-ચીન સીમા વિવાદ બાદ ભારત સરકાર ફરી લઇ શકે છે મોટો નિર્ણય
વધુ 20 એપ્સ પર લાદવામાં આવી શકે છે પ્રતિબંધ
CNBC આવાઝના સૂત્રો દ્વારા પ્રાપ્ત થયેલી જાણકારી પ્રમાણે જે કંપનીઓના સર્વર ચીનમાં છે તેમના પર પ્રતિબંધ લાગુ થઇ શકે છે. આ સાથે જ આઇટી મંત્રાલય કેટલીક વેબસાઇટ પર પ્રતિબંધ લાદવાના માપદંડો પર સમીક્ષા કરી રહ્યું છે. તો સરકાર જે 20 એપની ડેટા શેરિંગ પોલીસીની સમીક્ષા કરી રહી છે તેમાં જાણીતી ગેમિંગ એપ્સ પણ સામેલ હોવાનું જાણવા મળ્યું છે.
ભારતમાં 59 ચીની એપ્સ પર પ્રતિબંધ
આપને જણાવી દઇએ કે, કેન્દ્ર સરકારે ઇન્ફરમેશન ટેકનોલોજી એક્ટ,2000(IT Act, 2020)ની કલમ 69A હેઠળ ચીનની 59 એપ્સ પર પ્રતિબંધ લાદ્યો છે. કેન્દ્ર સરકારે આ નિર્ણય ત્યારે લીધો જ્યારે લદ્દાખની ગલવાન ઘાટીમાં ભારત અને ચીન વચ્ચે સીમા મુદ્દે વિવાદ ચાલી રહ્યો હતો.
चीन के 59 एप्स पर बैन लगाने के बाद सरकार 20 और ऐप की डाटा शेयरिंग पॉलिसी की समीक्षा कर रही है। जिन कंपनियों के सर्वर चीन में है उन पर रोक लग सकती है। पूरी खबर बता रहे हैं @aseemmanchandapic.twitter.com/3h3oEKBIbn
સેના અધિકારીઓએ 89 એપ્સને ડિલીટ કરવાના આપ્યા છે આદેશ
આ સિવાય ભારતીય સેનાના અધિકારીઓ અને સૈનિકોને ફેબબુક, ઇન્ટાગ્રામ એકાઉન્ટ ડિલીટ કરવાના આદેશ આપ્યા છે. સાથે જ 89 અન્ય એપ્સની એક યાદી જાહેર કરી છે જે મોબાઇલમાંથી અનઇન્સટોલ કરવાની છે.