નિર્ણય / સરકાર વેચશે આટલા સસ્તા ભાવે ડુંગળી, નહીં થાય તમને વિશ્વાસ

• MMTC વિદેશી બજારોથી 14 હજાર ટન ડુંગળીની આયાત કરી છે
• આયાત ડુંગળીનો મોટો જથ્થો મહારાષ્ટ્રમાં પડી રહ્યો છે
• આયાતી ડુંગળીનો સ્વાદ સ્થાનિક ડુંગળીની તુલનાએ અલગ હોય છે

કેન્દ્ર સરકાર અત્યારે રાજ્ય સરકારને 58 રૂપિયા પ્રતિ કિલોગ્રામના દરે આયાતી ડુંગળી ઉપલબ્ધ કરાવી રહી છે. કેન્દ્ર સરકાર પરિવહન ખર્ચનું પણ વહન કરી રહી છે. 

14 હજાર ટન આયાત થઇ ગઇ છે ડુંગળી
સરકારે ડુંગળીની વધતી કિંમતોને ધ્યાનમાં રાખીને નવેમ્બર 2019માં એમએમટીસી (MMTC) દ્વારા 1.2 લાખ ટન ડુંગળીની આયાત કરવાનો નિર્ણય કર્યો હતો. MMTC વિદેશી બજારોથી 14 હજાર ટન ડુંગળીની આયાત કરી છે. સૂત્રોનું કહેવું છે કે આયાત ડુંગળીનો મોટો જથ્થો મહારાષ્ટ્રમાં પડી રહ્યો છે. ડુંગળીનો નવો પાક બજારમાં પહોંચતા છૂટક બજારમાં નરમ પડવા લાગી છે. આવી સ્થિતિમાં અનેક રાજ્યો ઉચ્ચ દરમાં આયાતિ ડુંગળી ખરીદવા તૈયાર નથી.

સ્વાદ પણ ઘરેલૂ ડુંગળીની સરખામણીમાં અલગ
સૂત્રોના જણાવ્યા પ્રમાણે આયાતી ડુંગળીનો સ્વાદ સ્થાનિક ડુંગળીની તુલનાએ અલગ હોય છે. જેના કારણે અનેક રાજ્યો આયાતી ડુંગળીના કોન્ટ્રાક્ટ કેન્સલ કરી રહ્યા છે. તેમણે આયાતી ડુંગળીની નરમ માંગને જોઈને MMTCએ અત્યાર સુધી માત્ર 14,000 ટન ડુંગળીની ખરીદી કરી છે. જ્યારે 40,000 ટન ડુંગળીની આયાત કરવાના કોન્ટ્રાક્ટ લીધા છે. હજી સુધી આયાતી ડ઼ુંગળીની ખેપ પણ પોર્ટ ઉપર પડી છે. નાફેડ, મધર ડેરી અને ઈચ્છુક રાજ્ય સરકારે માર્કેટમાં વેચાણ માટે 22 23 રૂપિયા પ્રતિકિલોગ્રામ દરથી આયાતી ડુંગળી ખરીદી શકે છે.

200 રૂપિયા પ્રતિ કિલો પહોંચ્યો હતો ડુંગળીનો ભાવ 
ઉલ્લેખનીય છે કે, ગત મહિને એક સમયે ડુંગળીનો ભાવ 200 રૂપિયા કિલોએ પહોંચ્યો હતો. પરંતુ હવે અલગ અગગ સ્થળો પ્રમાણે આ ભાવ 60 રૂપિયાથી 70 રૂપિયા કિલોના સ્તરે આવ્યો છે. નવી ડુંગળીની આવક જાન્યુઆરીથી મે મહિના સુધી રહેશે.