IPLIN
 
  • Home
  • Politics
  • Business
  • India
  • Government planning to change the base year of GDP which is likely to improve future GDP figures

અર્થતંત્ર / તો સરકારના GDPના આંકડા રાતોરાત સુધરી જશે, ઉઠી રહ્યાં છે સવાલો

Team VTV 03:24 PM, 13 Nov 19
Follow us
Government planning to change the base year of GDP which is likely to improve future GDP figures

કેન્દ્ર સરકારે ગયા અઠવાડિયે જાહેરાત કરી હતી કે થોડા મહિનામાં જ GDPની ગણતરી માટે નવું Base Year એટલે કે સંદર્ભ વર્ષ જાહેર કરવામાં આવશે. અત્યારે Base Year 2011-12 છે જે બદલીને 2017-18 કરવાની વિચારણા ચાલી રહી છે. 

કેન્દ્ર સરકારે Gross Domestic Product એટલે કે GDPની ગણતરી માટેના Base Yearને બદલવાની કવાયત જાહેર કરી છે. 

શું છે પ્રક્રિયા?

આ તો દર 5 વર્ષે આ તારીખો બદલવામાં આવે છે જેથી આર્થિક માહિતીને સચોટ રીતે માપી શકાય. એક વખત Base Year બદલવામાં આવે પછી જુના ડેટાને નવા Base Year પ્રમાણે અપડેટ કરવામાં આવે છે જેથી સાચી સરખામણી થઇ શકે.

કયું વર્ષ લેવામાં આવે એ કેવી રીતે પસંદ કરાય છે?

Base Yearને સાવધાનીની પસંદ કરવામાં આવે છે જે વર્ષે કોઈ મોટી આર્થિક ઉથલપાથલ ન સર્જાઈ હોય. નોંધનીય છે કે Base Year 2011-12 પસંદ કરતા સમયે અર્થશાસ્ત્રીઓ 2009-10ને Base Year બનાવવાની વિચારણામાં હતા પરંતુ 2008ની વૈશ્વિક મંદી અને ભારતમાં તે વર્ષના દુકાળના કારણે તેને Base Year પસંદ ન કરવામાં આવ્યું.

શું આ ખોટું વર્ષ પસંદ કર્યું છે?

પૂર્વ આંકડાશાસ્ત્રી પ્રનબ સેને 2017-18ને Base Year તરીકે પસંદ કરવાની ટીકા કરતા જણાવ્યું હતું કે આ વર્ષે ભારતીય અર્થતંત્રને નોટબંધી અને GST એમ બેવડો માર પડ્યો હતો. 2011-12 બાદ 5 વર્ષના નિયમ પ્રમાણે 2016-17 એ સૌથી તર્કબદ્ધ પસંદગી છે.

ભારતમાં GDPના આંકડા (Source : National Accounts Statistics)

Base Yearના નામે રાજકારણ

પ્રનબ સેને એમ પણ જણાવ્યું હતું કે જો 2017-18ને Base Year તરીકે પસંદ કરવામાં આવશે તો તે વર્ષનો GDPનો વૃદ્ધિ દર પછડાટ ખાશે. જો કે Base Yearનો વૃદ્ધિ દર જ ઓછો હોવાથી તેની સરખામણીમાં હાલના વર્ષો અને  આગામી વર્ષોનો GDP વૃદ્ધિ દર તુલનાત્મક રીતે વધુ દેખાશે. બીજા શબ્દોમાં કહીએ તો આ પદ્ધતિથી મંદીના સાચા આંકડાને છુપાવી શકાશે. 

કોંગ્રેસના નેતા જયરામ રમેશે નવા Base Yearની આકરી ઝાટકણી કાઢતા ટ્વીટર ઉપર લખ્યું હતું કે મોદી સરકાર દેશનું અર્થતંત્ર સુધારવામાં નિષ્ફ્ળ રહી છે જેથી હવે તે GDPના "આંકડા" સુધારી રહી છે.

 

 

અહીં એ પણ નોંધનીય છે કે National Statistical Commission વડે ગયા વર્ષે રજુ કરાયેલ અહેવાલમાં UPA સરકારના સમયમાં આર્થિક વૃદ્ધિના આંકડા રજુ કર્યા હતા. આ આંકડા સત્તાવાર જાહેર થયેલા અહેવાલમાં ઘટાડી દેવાયા હતા અને પહેલાના આંકડાને પ્રયોગાત્મક ગણાવામાં આવ્યા હતા. 

અહીં એ પણ નોંધનીય છે કે SBI વડે જાહેર થયેલ અહેવાલમાં બીજા ક્વાર્ટરમાં GDP વૃદ્ધિ દર ફક્ત 4.2% અંદાજવામાં આવ્યો છે.

GDP GDP Base Year GDP growth GDP forecast gdp 2019 જીડીપી જીડીપી રેટ જીડીપી ગ્રોથ indian economy
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ