Air India પર સરકારનું 325 કરોડ રૂપિયાનું લેણું 4 કંપનીઓએ ખરીદવામાં દેખાડ્યો રસ

સરકારી વિમાન સેવાને વેચવાની પૂરી તૈયારી કરી લેવામાં આવી છે. સૂત્રો પ્રમાણે એર ઇન્ડિયાની બોલી લગાવવા માટે જેટ એકવેઝ એર ફ્રાંસ કેએલએમ અને ડેલ્ટા એરલાયન્સે પોતાનો રસ દાખવ્યો છે. નુકસાનમાં ચાલી રહેલી એર ઇન્ડિયાના ડિસઇન્વેસ્ટમેન્ટ માટે સરકાર જલ્દીથી બોલી લગાવવા માટે 'એક્સપ્રેશન ઓફ ઇન્ટરેસ્ટ' આમંત્રિત કરશે. 

સરકારને આશા છે કે એર ઇન્ડિયાનું ખાનગી કરણનું કામ આ વર્ષે પૂરું થઇ જશે. એને ચાર વિભાગમાં વેંચીને એનું ખાનગીકરણ કરવામાં આવશે અને આ પૈસાથી એર ઇન્ડિયાનું દેવું ચુકવવામાં આવશે. 

નોંધનીય છે કે એર ઇન્ડિયા પર સરકારનું 325  કરોડ રૂપિયાથી વધારે લેણું છે. આ ખુલાસો એક આરટીઆઇથી થયો. હકીકતમાં વિદેશ યાત્રા પર ગયેલા વીવીઆઇપીના ચાર્ટર્ડ ફ્લાઇટનું બિલ નહીં ચુકવવાના કારણે લેણું વધીને આટલું થઇ ગયું છે. 

આરટીઆઇ પ્રમાણે 31 જાન્યુઆરી 2018 સુધી વીવીઆઇપીનું ચાર્ટર્ડ ફ્લાઇટના 325.81 કરોડ રૂપિયાનું બિલ બાકી છે. કુલ બાકી બિલમાંથી 84.01 કરોડ રૂપિયા ગત વર્ષના છે જ્યારે બાકી 241.80 કરોડ રૂપિયા હાલના નાણાંકીય વર્ષના છે.