મધ્યપ્રદેશની રાજધાની ભોપાલમાં ડાન્સ કરતાં કરતાં હાર્ટએટેકથી મોતની વધુ એક ઘટના સામે આવી છે.
ડાન્સ કરતાં કરતાં હાર્ટ એટેકના મોતની વધુ એક ઘટના
ભોપાલમાં પોસ્ટમાં નોકરી કરતાં સરકારી કર્મચારીને આવ્યો હાર્ટએટેક
પોસ્ટ વિભાગના સાંસ્કૃતિક કાર્યક્રમમાં કરી રહ્યાં હતા ડાન્સ
વધુ એક વાર હાર્ટે દગો દીધો છે અને આ વખતે પોસ્ટમેન નાચતાં નાચતાં તેનો ભોગ બન્યાં છે. પરંતુ કરુણ વાત એ છે કે પોસ્ટમેનને લગ્નમાં 'બસ આજ કી રાત હૈ જિંદગી... કલ હમ કહાં, તુમ કહાં ગાતાં ગાતાં હાર્ટએટેક આવ્યો હતો અને તેઓ ત્યાંને ત્યાં ઢળી પડ્યાં હતા.
"बस आज की रात है ज़िन्दगी... कल हम कहाँ, तुम कहाँ"
ભોપાલમાં પોસ્ટ વિભાગના સાંસ્કૃતિક કાર્યક્રમમાં ડાન્સ વખતે આવ્યો હાર્ટએટેક
મધ્ય પ્રદેશના પાટનગર ભોપાલમાં પોસ્ટ વિભાગના સાંસ્કૃતિક કાર્યક્રમમાં ‘આજ કી રાત હૈ જિંદગી’ ગીત પર સાથીઓ સાથે ડાન્સ કરી રહેલા મદદનીશ ડિરેક્ટર સુરેન્દ્રકુામર દિક્ષીતનું અચાનક જ નીચે પડી જવાથી મોત થઈ ગયું. આ ઘટનાનો વીડિયો સોશિયા પર વાઈરલ થઈ રહ્યો છે અને લોકો જોઈને આશ્ચર્યચકિત થઈ રહ્યા છે. સાથી અધિકારીના અચાનક મોત પછી પોસ્ટ વિભાગના કર્મચારીઓને ભારે આઘાત લાગ્યો છે.
બસ આજ કી રાત હૈ જિંદગી, કલ હમ કહાં તુમ કહાં ગીત ગાતાં ઢળી પડ્યાં
આ ઘટનાના વીડિયો સોશિયલ મીડિયા પર શૅર થઈ રહ્યા છે. વીડિયોમાં લોકોને ડાન્સ, મસ્તી કરતા અને અચાનક મોતનું આઘાતજનક દૃશ્ય જોતા જોઈ શકાય છે. વીડિયોમાં અનેક લોકો ડાન્સ કરી રહ્યા છે. આ દરમિયાન ડીજે પર ઊંચા અવાજમાં ગીત વાગી રહ્યું છે અને દરેક લોકો આનંદપૂર્ણ વાતાવરણની મઝા માણી રહ્યા છે. આ દરમિયાન અમિતાભ બચ્ચનની જૂની ફિલ્મ ‘શાન’નું લોકપ્રિય ગીત વાગી રહ્યું છે, જેના બોલ છે, ‘બસ આજ કી રાત હૈ જિંદગી, કલ હમ કહાં તુમ કહાં.’ આ ગીત પર ડાન્સ કરતા કરતા અચાનક સુરેન્દ્ર કુમાર નીચે પડી ગયા. સાથીઓએ સુરેન્દ્ર કુમારને તપાસ્યા તો તેમનું મોત થઈ ગયું હતું. તપાસ દરમિયાન મોતનું કારણ કાર્ડિયાક અરેસ્ટ જણાયું હતું. પોસ્ટ વિભાગે તેમના કર્મચારીઓ માટે ભોપાલના મેજર ધ્યાનચંદ હોકી સ્ટેડિયમમાં આ કાર્યક્રમનું આયોજન કર્યું હતું. આ કાર્યક્રમ 13 માર્ચે શરૂ થયો હતો અને 17 માર્ચ સુધી ચાલવાનો હતો. આ દરમિયાન 16મી માર્ચે રાતે જ મદદનીશ ડિરેક્ટર સુરેન્દ્ર દીક્ષિતનું મોત થઈ ગયું, ત્યાર પછી ઊજવણીનો બાકીનો કાર્યક્રમ રદ કરાયો હતો.
હાર્ટ એટેકના વધતા કેસ માટે કોરોના જવાબદાર : નિષ્ણાતોનો મત
દેશમાં કેટલાક નિષ્ણાતોના કહેવા મુજબ કોરોના મહામારીના કારણે નાચતા, જીમ કરતા, દોડતા અચાનક કાર્ડિયાક અરેસ્ટના કેસ વધી રહ્યા છે. મેડિકલ નિષ્ણાતો તેના માટે કોરોના મહામારીના કારણે સર્જાયેલી જટિલતાઓને જવાબદાર ઠેરવી રહ્યા છે.