તહેવાર / મહારાષ્ટ્રમાં ગણેશોત્સવની ઉજવણી માટે ઉદ્ધવ સરકારે જાહેર કરી આ ખાસ ગાઈડલાઈન, જાણો નિયમો

• મહારાષ્ટ્રમાં ગણેશોત્સવને લઈને લેવાયો નિર્ણય
• ઉદ્ધવ સરકારે જાહેર કરી ખાસ ગાઈડલાઈન
• કોરોના સંકટમાં નિયમો અનુસાર કરાશે ઉજવણી

ગાઈડલાઈનમાં ભાર પૂર્વક કહેવામાં આવ્યું છે કે ગણેશજીની પ્રતિમા સાર્વજનિક સ્થાનોએ 4 ફીટ અને ઘરમાં 2 ફીટની રખાશે. ગણેશ વિસર્જન પર રોક લગાવવામાં આવી છે. તેને આવતા વર્ષે વિસર્જિત કરાશે. આ સાથે પૂજા પંડાલમાં ભવ્ય સજાવટ પર પણ પ્રતિંબધ રખાયો છે. પ્રદેશના ગૃહમંત્રી અનિલ દેશમુખે લોકોને અપીલ કરી છે કે ગણેશોત્સવ દરમિયાન ગાઈડલાઈનનું સંપૂર્ણ રીતે પાલન કરવામાં આવે. 

આ છે ગાઈડલાઈનના નિયમો

• પૂજા પહેલાં ગણેશ મંડળોએ નગર નિગમ અને સ્થાનીક તંત્રની પરમિશન લેવાની રહેશે. 
• દરેક પંડાલમાં પેવેલિયન બનાવાશે. પૂજા સાધારણ રીતે અને ઓછી સજાવટ સાથે કરાશે.
• સાર્વજનિક સ્થળોએ 4 ફીટ અને ઘરોમાં 2 ફીટની મૂર્તિની સ્થાપના કરી શકાશે.
• મેટલ, માર્બલની મૂર્તિઓ પર ભાર મૂકાયો છે. એન્વાયરમેન્ટ ફ્રેન્ડલી મૂર્તિને ઘરમાં સ્થાપિત કરાશે. આ વર્ષે ગણેશ વિસર્જન પર રોક રહેશે. આવતા વર્ષે તેમનું વિસર્જન કરી શકાશે. 
• પૂજા સમયે સાંસ્કૃતિક કાર્યક્રમોને બદલે સ્વાસ્થ્ય સાથે જોડાયેલા કેમ્પ રખાશે. જેમકે બ્લડ ડોનેશન, કોરોના, મેલેરિયા, ડેન્ગ્યૂથી બચવાના ઉપાય માટે જાગરૂકતા.
• આરતી, ભજન અને ધાર્મિક કાર્યક્રમમાં ભીડ એકઠી ન થાય અને સોશ્યલ ડિસ્ટન્સિંગનું પાલન થાય તે જરૂરી રહેશે. અવાજ પ્રદૂષણ પર પણ ધ્યાન અપાશે. 

• ગણેશ દર્શન માટે ઓનલાઈન વ્યવસ્થા કરવી જેને કેબલ નેટવર્ક કે ફેસબુક જેવા માધ્યમથી લોકોને લાભાન્વિત કરી શકાશે. 
• ગણપતિ મંડપનું સેનેટાઈઝેશન થતું રહે અને સાથે જ અહીં થર્મલ સ્ક્રીનિંગની પણ વ્યવસ્થા હોવી જરૂરી છે. શ્રદ્ધાળુઓએ માસ્ક અને સોશ્યલ ડિસ્ટન્સિંગનું પાલન કરવાનું રહેશે. મંડપમાં સેનેટાઈઝરની પણ વ્યવસ્થા જરૂરી રહેશે. 
• ભગવાનના આગમન અને વિસર્જનમાં જૂલૂસ કાઢી શકાશે નહીં. વિસર્જન સમયે જે આરતી થાય છે તે પણ ઘરમાં જ કરાશે. વિસર્જન સ્થળ ટૂંક સમયમાં જ બંધ કરી દેવાશે. બાળકો અને વૃદ્ધો વિસર્જન સ્થળે જઈ શકશે નહીં. 
• નગર નિગમ, અલગ અલગ બોર્ડ, હાઉસિંગ સોસાયટી, એનજીઓની મદદથી કૃત્રિમ તળાવ તૈયાર કરાશે જેમાં વિસર્જન કરી શકાશે.