લાંબા સમયથી અટકી રહેલી સ્ક્રેપેજ પોલિસી હવે જલ્દી લાગૂ થઈ શકે છે. સરકારે તેની જાણકારી સંસદમાં આપી છે. કેન્દ્રીય રાજ્યમંત્રી જનરલ વીકે સિંહએ શનિવારે કહ્યું છે કે વાહન સ્ક્રેપિંગ પોલિસીને માટે કેબિનેટ નોટ તૈયાર થઈ ચૂકી છે. હવે અનફિટ અને જૂના વાહનોને હટાવવા માટે નવી પોલિસીની કેબિનટ નોટ તૈયાર થઈ ચૂકી છે.
હવે સસ્તામાં મળશે કાર
સરકાર લાવી રહી છે નવી પોલિસી
હવે 30 ટકા સુધી સસ્તી કાર મળશે
ઉલ્લેખનીય છે કે સ્ક્રેપેજ પોલિસીના લાગૂ થતાંની સાથે દેશની મંદ અર્થવ્યવસ્થાને નવો વેગ મળશે. નવી ગાડીઓની માંગ વધવાથી ઓટો મોબાઈલ સેક્ટર ગતિમાં આવશે. ગ્રાહકોને નવા વાહનો 30 ટકા વધારે સસ્તા મળશે. જૂના વાહનોથી વાયુ પ્રદૂષણમાં 25 ટકાનો ઘટાડો થશે. જ્યારે સ્ક્રેપ સેન્ટર પર મોટા પ્રમાણમાં રોજગાર મળી શકશે.
ગ્રાહકોને ગાડી ખરીદતા મળશે આ ફાયદા
નવી ગાડી ખરીદતી સમયે રજિસ્ટ્રેશન ફ્રીમાં થશે. આ સાથે જૂની કારને સ્ક્રેપમાં વેચવાનું પ્રમાણપત્ર મળશે અને તેને બતાવીને તમે નવી ગાડીનું રજિસ્ટ્રેશન ફ્રીમાં કરાવી શકશો.
મીડિયા રિપોર્ટના અનુસાર આ નિર્ણય લગભગ 2.80 કરોડ વાહન સ્ક્રેપેજ પોલિસીના અંતર્ગત આવશે. આ નીતિની સાથે દેશમાં મોટા પાયા પર વાહન કબાડ કેન્દ્રો બનશે. જેનાથી મોટી સંખ્યામા નવા રોજગાર મળી શકશે. જ્યારે ઓટો મોબાઈલ સેક્ટરને રિસાઈકલમાં સસ્તામાં સ્ટીલ, એલ્યુમિનિયમ અને પ્લાસ્ટિકના પાર્ટ્સ મળી શકશે.
અર્થવ્યવસ્થા માટે સંજીવનીનું કામ કરશે આ સ્ક્રેપેજ પોલિસી
ન્યૂઝ એજન્સીના આધારે સ્ક્રેપેજ પોલિસીને જલ્દી કેબિનેટમાં પાસ કરાશે. અહીંથી મંજૂરી મળ્યા બાદ તેને લાગૂ કરવાની પ્રક્રિયા શરૂ કરાશે. મીડિયા રિપોર્ટમાં કહેવાયું છે કે મહામારીના સમયમાં સ્ક્રેપેજ પોલિસી અર્થવ્યવસ્થા માટે સંજીવનીનું કામ કરશે.
શું થશે તમારી જૂની ગાડીઓનું
સ્ક્રેપેજ પોલિસીમાં 15 વર્ષ જૂની ગાડીઓને સડક પરથી હટાવવાનો નિયમ ખતમ કરાશે. આવી ગાડીઓને ચલાવવા માટે દર વર્ષે ફિટનેસ સર્ટિફિકેટ લેવું પડશે. તેની સાથે રજિસ્ટ્રેશન રિન્યૂ કરાવવાની ફીને વધારીને 2થી 3 ગણી કરી દેવામાં આવશે. તેનાથી વાહન માલિક જૂની ગાડી વેચીને નવી ગાડી ખરીદવા માટે આકર્ષાશે.