બ્રેકિંગ ન્યુઝ
Last Updated: 10:17 AM, 5 February 2025
ChatGPT DeepSeek : ભારત સરકાર દ્વારા એક આદેશ જાહેર કરવામાં આવ્યો છે, જેમાં સરકારી કર્મચારીઓને AI એપ્સ અને AI પ્લેટફોર્મ અંગે જરૂરી માહિતી આપવામાં આવી છે. નાણા મંત્રાલય દ્વારા જાહેર કરાયેલા એક આદેશમાં સરકારી કર્મચારીઓને કહેવામાં આવ્યું હતું કે, કેટલાક કર્મચારીઓ ઓફિસના કમ્પ્યુટર અને લેપટોપમાં AI એપ્સ (જેમ કે ChatGPT, DeepSeek વગેરે) નો ઉપયોગ કરે છે, જે ભારત સરકારના ગુપ્ત દસ્તાવેજો અને ડેટા માટે જોખમી સાબિત થઈ શકે છે.
ADVERTISEMENT
કેન્દ્ર સરકારના પરિપત્રમાં કહેવામાં આવ્યું છે કે, સરકારી કમ્પ્યુટર, લેપટોપ અને ઉપકરણોમાં AI એપ્સ અને ટૂલ્સનો ઉપયોગ ન કરવો જોઈએ. ડેટા અને ગોપનીયતાને પ્રાથમિકતા આપતા આ નિર્ણય લેવામાં આવ્યો છે. જોકે તેઓ આનાથી AI વપરાશકર્તાઓને નિરાશ કરવા માંગતા નથી.
ADVERTISEMENT
ભારતમાં ઘણી વિદેશી AI એપ્સ હાજર
વિગતો મુજબ ભારતમાં ઘણી વિદેશી AI એપ્સ ઉપલબ્ધ છે જેમાં ChatGPT, DeepSeek અને Google Gemini વગેરે નામોનો સમાવેશ થાય છે. ભારતમાં ઘણા લોકો તેમનું કામ સરળ બનાવવા માટે તેનો ઉપયોગ કરે છે. ડિવાઇસ પર AI એપ્સ અથવા ટૂલ્સ ઇન્સ્ટોલ કર્યા પછી તેઓ જરૂરી પરવાનગીઓની ઍક્સેસ માંગે છે. આવી સ્થિતિમાં સરકારી ફાઇલોનો ડેટા લીક થવાનો ભય રહે છે.
શું તમે જાણો છો કઈ રીતે કામ કરે છે AI ?
AI એપ્સ અને AI ચેટબોટની મદદથી ઘણા લોકો પત્રો, લેખો અથવા અનુવાદ વગેરે લખવાનું કામ પ્રોમ્પ્ટ આપીને કરી શકે છે. ઘણા લોકો તેનો ઉપયોગ પ્રેઝન્ટેશન વગેરેમાં પણ કરે છે. અહીં વપરાશકર્તાઓએ એક સરળ ટેક્સ્ટ પ્રોમ્પ્ટ આપવો પડશે.
લોકપ્રિય છે DeepSeek
ચાઇનીઝ સ્માર્ટઅપ DeepSeek એ તાજેતરમાં લોકપ્રિયતા મેળવી છે અને આ સ્ટાર્ટઅપે તેની પોષણક્ષમ કિંમતને કારણે ઉદ્યોગમાં હલચલ મચાવી છે. આ ચીની સ્ટાર્ટઅપ લગભગ 20 મહિના પહેલા શરૂ થયું હતું. 20 જાન્યુઆરી, 2025ના રોજ DeepSeek આર1 ચેટબોટ અચાનક ખૂબ જ લોકપ્રિય બન્યું અને જૂની AI કંપનીઓના ઘણા રેકોર્ડ તોડી નાખ્યા.
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.