તમારા કામનું / સરકારની આ યોજનામાં મફત અનાજ મેળવવા માટે 31 જુલાઈ પહેલાં કરી લેજો આ કામ

• 31 જુલાઈ સુધી કરી લો આ કામ
• મફત અનાજ મેળવવા માટે જરૂરી છે આધાર સાથે રાશન કાર્ડ લિંક કરવું
• સરકાર નવેમ્બર સુધી આપશે મફત અનાજ

હવે વડાપ્રધાને તેને 31 નવેમ્બર સુધી વધારવાની જાહેરાત કરી છે, આ સાથે જ સરકારે 'એક રાષ્ટ્ર, એક રાશનકાર્ડ' યોજના પણ શરૂ કરી છે. એવામાં રાશનકાર્ડને આધાર સાથે લિંક કરવાની છેલ્લી તારીખ 31 જુલાઈ કરવામાં આવી છે. આ પછી, જો રાશનકાર્ડને આધાર સાથે લિંક કરવામાં નહીં આવે તો લાભાર્થીને પીડીએસથી સસ્તું રાશન મળશે નહીં.

કરવું પડશે આ કામ

• તમારા રાશન કાર્ડને આધાર સાથે લિંક કરવા માટે ગામના ઈ-મિત્ર, પટવારી અને ગ્રામ સચિવ પર જઈ શકો છો. તમે આ તમામથી મદદ લઈ શકો છો. આ સિવાય તમે ઓનલાન પણ આધાર સાથે રાશન કાર્ડ લિંક કરી શકો છો. 
• આ રીતે તમે રાશનકાર્ડને આધાર સાથે લિંક કરી શકો છો
• આધાર સાથે રાશનકાર્ડને લિંક કરવા યુનિક આઇડેન્ટિફિકેશન ઓથોરિટી ઓફ ઈન્ડિયા (UIDAI)ની સત્તાવાર વેબસાઇટ uidai.gov.in પર જાઓ. 
• પછી 'Start Now' વિકલ્પ પર ક્લિક કરો. તેમાં સંપૂર્ણ સરનામું ભરો. બધાં વિકલ્પોમાંથી રાશન કાર્ડ બેનિફિટને સિલેક્ટ કરો. 
• ત્યારબાદ રાશનકાર્ડ સ્કીમ પસંદ કરો, રાશનકાર્ડ નંબર, આધાર નંબર, ઈ-મેલ આઈડી અને મોબાઇલ નંબર જેવી વિગતો ભરો. પછી તમારા રજિસ્ટર્ડ મોબાઇલ પર આવતા વન-ટાઇમ પાસવર્ડ (ઓટીપી)ને ભરો.
• પછી સ્ક્રીન પરની પ્રક્રિયા પૂરી થવાની નોટિફિકેશનને પોસ્ટ કરો. 
• અરજી વેરિફિકેશન થયા બાદ રાશન કાર્ડ આધાર સાથે લિંક થઈ જશે. 1 જૂનથી 20 રાજ્ય અને કેન્દ્રશાસિત પ્રદેશોમાં રાશન કાર્ડ પોર્ટેબિલિટી સેવા લાગૂ થઈ ગઈ છે. 
• તમને જણાવી દઈએ કે વડાપ્રધાન નરેન્દ્ર મોદીએ 30 જૂને દેશને સંબોધન કરતા કહ્યું હતું કે હવે નવેમ્બર સુધી દેશના લગભગ 80 કરોડ ગરીબ લોકોને પ્રધાનમંત્રી ગરીબ કલ્યાણ અન્ન યોજનાનો લાભ મળશે. કેન્દ્ર સરકાર આ યોજનાનો સંપૂર્ણ ખર્ચ ઉઠાવી રહી છે, પરંતુ અનાજ વિતરણ રાજ્ય સરકારો દ્વારા કરવામાં આવી રહ્યું છે.