ટેકનોલોજી / ચીનની ટેક્નિકથી સ્વચ્છ રહેશે પહાડની હવા

• ચીનની કંપની હિમાચલના પહાડોની હવાને દૂષિત થતા બચાવશે
• પહેલાં સિમલા માટે 30 બસની ખરીદી થઇ હતી. 
• હિમાચલ માટે 100 વધુ ઇલેક્ટ્રિક બસની ખરીદીને કેન્દ્રએ સ્વીકૃતિ આપી છે.

ઇંધણનો ખર્ચ બચશે અને પર્યાવરણ પણ દૂષિત નહીં થાય

પહેલાં સિમલા માટે 30 બસની ખરીદી થઇ હતી. એક બસની કિંમત 76 લાખ રૂપિયા છે. વાર્ષિક મેન્ટેનન્સનો ખર્ચ તેમાં જ સામેલ છે. 180 કિલોવોટની બેટરી અડધા કલાકમાં ચાર્જ થાય છે. એક વાર ચાર્જ થઇ ગઇ તો 150 કિલોમીટર સુધી ચાલે છે. તેમાં ઇંધણનો ખર્ચ બચશે અને પર્યાવરણ પણ દૂષિત નહીં થાય. મેન્ટેન કરનારા લોકો કંપનીના એન્જિનિયર હશે અને તેની વોરંટી છ વર્ષની હશે. 

50 બસ માટે કેન્દ્રએ 60 ટકા અને રાજ્યએ 40 ટકા ખર્ચ કર્યો

હિમાચલ માટે 100 વધુ ઇલેક્ટ્રિક બસની ખરીદીને કેન્દ્રએ સ્વીકૃતિ આપી છે. દેશ માટે 5960 બસને સ્વીકૃતિ મળી છે. તેના પર સબસિડી પહેલા કરતા ઓછી હશે. હજુ પૂર્ણ રીતે તસવીર સ્પષ્ટ થઇ નથી, પરંતુ કુલ 50 બસ માટે કેન્દ્રએ 60 ટકા અને રાજ્યએ 40 ટકા ખર્ચ કર્યો છે. 

50 બસની ખરીદીમાં સરકારે 60 કરોડથી વધુની બચત કરી છે

આ માટે બે કલસ્ટર બનશે. પહેલું સિમલા-સોલન-નાહન-નાલાગઢ અને બીજું હમીરપુર-મંડી-વિલાસપુર-ઊના બનશે. ધર્મશાળા સ્માર્ટ સિટી માટે ૩૫ ઇલેક્ટ્રિક બસની ખરીદી હજુ સુધી થઇ શકી નથી. 50 બસની ખરીદીમાં સરકારે 60 કરોડથી વધુની બચત કરી છે. પૂર્વ કોંગ્રસ સરકારના કાર્યકાળમાં મનાલી માટે 25 બસ ખરીદાઇ હતી. એક ઇલેક્ટ્રિક બસ 1.91 કરોડમાં પડી તેમાં મેન્ટેનન્સ ખર્ચ અલગથી ચૂકવવાનો રહેશે. આવા સંજોગોમાં બે કરોડથી વધુની ખરીદી કરાઇ, જ્યારે હાલની સરકારે આ જ બસ 76લાખમાં ખરીદી છે.