ફેરફાર / PPFમાં રોકાણ કરનાર લોકો માટે મોટા સમાચાર, સરકારે બદલ્યો આ નિયમ

• ભારત સરકારે PPF અકાઉન્ટને લઈને બદલ્યો નિયમ
• પીપીએફમાં રોકાણ કર્યું હોય તો મળે છે ટેક્સ બેનિફિટ
• સમય મર્યાદા પહેલાં બંધ કરી શકાય છે પીપીએફ અકાઉન્ટ

પીપીએફ ખાતામાં બદલાય ગયા આ નિયમ

પીપીએફ સ્કીમ 2019માં પીપીએફ અકાઉન્ટ નિશ્ચિત સમય પહેલાં બંધ કરવાનો નિયમ બદલાયો છે. તેમાં નિશ્ચત સમય પહેલાં પીપીએફ અકાઉન્ટ બંધ કરવાનો ત્રીજો નિયમ રજૂ કરાયો છે. નવા નિયમો મુજબ, પીપીએફ અકાઉન્ટ 5 નાણાકીય વર્ષ પૂરા કર્યા બાદ બંધ કરી શકાય છે. 

આ સ્થિતિમાં નિશ્ચિત સમય પહેલાં બંધ કરી શકાય છે પીપીએફ અકાઉન્ટ

વર્ષ 2016માં સરકાર પીપીએફ અકાઉન્ટને સમય પહેલાં બંધ કરવાની મંજૂરી આપી હતી. પીપીએફ સ્કીમ, 2019 નિશ્ચિત સમય પહેલાં બંધ કરવાનો ત્રીજો નિયમ રજૂ કરી દેવાયો છે. જેમાં ખાતાધારક તેના રહેઠાણમાં બદલાવ થવા પર પીપીએફ અકાઉન્ટ બંધ કરી શકે છે, પરંતુ આ પીપીએફ અકાઉન્ટ ખોલવાના 5 નાણાકીય વર્ષ પછી જ કરી શકે છે. તેના માટે પીપીએફ સ્કીમ 2019માં એક સ્પેશિયલ ફોર્મ 5 બનાવવામાં આવ્યો છે. 

અગાઉ ખાતાધારક, જીવનસાથી, આશ્રિત બાળકો અથવા માતાપિતાને અસર કરતી ગંભીર બીમારીઓ અથવા જીવલેણ બીમારીઓને કારણે સરકારે પીપીએફ અકાઉન્ટને સમય મર્યાદા પહેલાં બંધ કરવાની મંજૂરી આપી દીધી હતી. તે જાળવી રાખવામાં આવ્યું છે. સમય મર્યાદા પહેલાં પીપીએફ અકાઉન્ટ બંધ થવાનો એક અન્ય આધાર ખાતાધારકનું ઉચ્ચ શિક્ષણ હતું. જે ખાતાધારકો અથવા આશ્રિત બાળકોના ઉચ્ચ શિક્ષણ સુધી વિસ્તૃત કરવામાં આવ્યું છે. જોકે, ભારત અથવા વિદેશમાં ઉચ્ચ શિક્ષણની માન્યતા પ્રાપ્ત સંસ્થામાં પ્રવેશની પુષ્ટિ માટે દસ્તાવેજો અને ફી બિલ ફરજિયાત છે.

પીપીએફ અકાઉન્ટ બંધ કરવા પર 1 ટકા વ્યાજ મળશે

અગાઉની જેમ પીપીએફ સ્કીમ 2019માં પણ સમય મર્યાદા પહેલાં પીપીએફ અકાઉન્ટ બંધ કરવા પર તેને 1 ટકા વ્યાજ મળશે. જેના પર ખાતામાં વ્યાજ જમા કરવામાં આવશે. નવા નિયમ મુજબ અકાઉન્ટ હોલ્ડરનું દેવું અથવા દેણદારી વસૂલ કરવા અંગે કોર્ટના આદેશ પર પણ પીપીએફ ખાતામાં પડેલી રકમ જપ્ત કરવામાં આવશે નહીં.

પીપીએફના ફાયદા

પીપીએફમાં દર વર્ષે ઓછામાં ઓછું 500 રૂપિયાનું રોકાણ કરવું પડે છે અને તમે દરેક નાણાકીય વર્ષમાં 1.50 લાખ રૂપિયા સુધીનું રોકાણ કરી શકો છો. પીપીએફમાં ઈન્કમ ટેક્સ બેનિફિટ મળે છે. સૌથી સારી બાબત એ છે કે, રોકાણની રકમ, વ્યાજ અને મેચ્યોરિટીની રકમ પર ટેક્સ આપવો પડતો નથી.