સહાય / આ બિઝનેસની કાયમ રહે છે ડિમાન્ડ, શરૂ કરવા માટે સરકાર આપે છે રૂ. 4 લાખ સુધીની લોન, જાણો પ્રક્રિયા

• ઓછા રોકાણથી પાપડ બિઝનેસની કરો શરૂઆત
• મોદી સરકારની મુદ્રા સ્કીમ આપશે ફાયદો
• 4 લાખ રૂપિયાની લોન મળશે સસ્તા વ્યાજ દરે

આ રીતનું રોકાણ આપશે લાભ

આ બિઝનેસમાં 6 લાખ રૂપિયાના કુલ રોકાણની મદદથી લગભગ 30 હજાર કિલોગ્રામના પ્રોડક્શનની કેપેસિટી તૈયાર કરી શકાય છે. આ બિઝનેસને શરૂ કરવા માટે તમારે 6.05 લાખ રૂપિયાનો ખર્ચ કરવાનો રહેશે. કુલ ખર્ચમાં ફિક્સ્ડ કેપિટલ અને વર્કિંગ કેપિટલનો પણ સમાવેશ થાય છે.

આ રીતે વહેંચાયો છે ખર્ચ

ફિક્સ્ડ કેપિટલમાં બે મશીન, પેકેજિંગ મશીનનો તમામ ખર્ચ સામેલ છે. વર્કિંગ કેપિટલમાં સ્ટાફનો 3 મહિનાનો પગાર, 3 મહિનામાં થનારા રો મટિરિયલ અને યૂટિલિટી પ્રોડક્ટનો ખર્ચ પણ સામેલ છે. આ ઉપરાંત તેમાં ભાડું, લાઈટ, પાણી, ટેલિફોન બિલને પણ સામેલ કરી લેવામાં આવ્યા છે.

પાપડ બનાવવા જોઈશે આ મશીનો

પાપડ બનાવવાનો બિઝનેસ શરૂ કરવા માટે તમારે સ્વિફ્ટર, 2 મિક્સર, પ્લેટફોર્મ બેલેન્સ, ઇલેકટ્રોકલી ઓપરેટેડ ઓવન, માર્બલ ટેબલ ટોપ, ચકલા બેલન, એલ્યુમીનિયમના વાસણ અને રેક્સ જેવી મશીનરીની જરૂર રહે છે.

250 વર્ગ ફૂટ જગ્યાની જરૂરિયાત

પાપડ બનાવવાને માટે બિઝનેસને માટે ઓછામાં ઓછું 250 વર્ગ ફૂટની જરૂર રહેશે. જો તમારી પાસે પોતાની જગ્યા નથી તો તેને તમે ભાડા પર લઈ શકો છો. જેના માટે ઓછામાં ઓછું 5 હજાર રૂપિયાનું ભાડું આપવાનું રહેશે. મેન પાવરમાં 3 અનસ્કિલ્ડ લેબર, 2 સ્કિલ્ડ લેબર અને 1 સુપરવાઈઝરની જરૂર રહે છે. 

પોતે ખર્ચ કરવાના રહેશે 2 લાખ રૂપિયા

6 લાખ રૂપિયાની કુલ કેપિટલમાંથી 2 લાખ રૂપિયા તમારે પોતાના કાઢવાના રહેશે. સરકારની મુદ્રા યોજનાના આધારે તમને 4 લાખ રૂપિયાની લોન મળશે. આ માટે તમારે પ્રધાનમંત્રી મુદ્રા યોજનાના આધારે કોઈ પણ બેંકમાં એપ્લાય કરવાનું રહે છે. આ માટે તમારે એક ફોર્મ ભરવાનું રહેશે, જેમાં અનેક ડિટેલ્સ ભરવાની રહેશે. તેમાં કોઈ પણ પ્રકારની ફી કે ગેરેંટી ભરવાની રહેતી નથી, લોનની રકમ 5 વર્ષમાં ચૂકવવાની રહે છે.

યોગ્ય માર્કેટિંગની મદદથી વિકસાવો બિઝનેસ

પ્રોડક્ટ બન્યા બાદ તેને હોલસેલમાં વેચવાની રહેશે. તેના માટે નાના કરિયાણાના સ્ટોર અને સુપર માર્કેટ અને મોટા રિટેલરની સાથે સંપર્ક બનાવીને તેનું સેલ વધારી શકાય છે.