સ્કીમ / પ્રાઇવેટ નોકરી કરનારા માટે આવ્યા સારાં સમાચાર, દિવાળી પહેલાં સરકાર આ નવી યોજનાની કરી શકે છે જાહેરાત

પ્રાઇવેટ સેક્ટરના કર્મચારીઓને LTA લાભ આપવાને લઈને સ્પષ્ટતા ક્યારે થશે

પ્રાઇવેટ સેક્ટરના કર્મચારીઓને LTA લાભ આપવાને લઈને તેમણે કહ્યું કે ટૂંક સમયમાં એવા કર્મચારીઓ વિશે સ્પષ્ટીકરણ જાહેર કરવામાં આવશે, જેમણે નવી ટેક્સ સિસ્ટમ અપનાવી લીધી છે અથવા જેમણે પહેલાં જ LTAનો લાભ લઈ લીધો છે. આવનાર સપ્તાહમાં આ વિશે સ્પષ્ટીકરણ જારી થઈ શકે છે.

80 કરોડ લોકોને મફત અનાજ આપનાર એકમાત્ર દેશ

અંગ્રેજી અખબાર ટાઈમ્સ ઓફ ઇન્ડિયાને આપેલાં એક ઇન્ટરવ્યૂમાં અનુરાગ ઠાકુરે બંને પ્રોત્સાહન પેકેજ અને અર્થવ્યવસ્થા પર તેની અસરને લઈને કહ્યું કે આપણે મોટી તસવીર જોવાની જરૂર છે. ટીકા તો સ્વાભાવિક રીતે થશે. ભારત જ એકમાત્ર દેશ છે જ્યાં 8 મહિના માટે 80 કરોડ લોકોને મફત અનાજ આપવામાં આવ્યું છે. આ સિવાય ગરીબ વર્ગના બેંક એકાઉન્ટમાં 68,000 કરોડ રૂપિયા ટ્રાન્સફર કરવામાં આવ્યા છે.

ગ્રામીણ અર્થવ્યવસ્થાની સ્થિતિ સુધરી

ગ્રામીણ અર્થવ્યવસ્થાને લઈને અનુરાગ ઠાકુરે કહ્યું કે તે સારી સ્થિતિમાં છે. ગ્રામીણ અર્થવ્યવસ્થામાં ફક્ત મનરેગા અથવા કૃષિની વાત નથી. ઈન્ફ્રાસ્ટ્ર્ક્ચર સ્તર ઉપર પણ કામ થઈ રહ્યું છે. જેનાથી રોજગારની નવી તકો મળી રહી છે. ગ્રામીણ વિસ્તારમાં હવે ટ્રેક્ટર, મોટરબાઈક્સ, ચાર પૈડાવાળા સાધન અને ઘરોની માંગ વધી રહી છે. હવે લોકો ખર્ચ કરવા લાગ્યા છે.