સૂત્રો દ્વારા પ્રાપ્ત થતી વિગતો અનુસાર સરકાર ગોલ્ડમાં બ્લેક મની લગાવનાર લોકો પર લાલ આંખ કરવાની તૈયારીમાં છે. સરકાર જલ્દીથી ગોલ્ડ એમનેસ્ટી સ્કીમની જાહેરાત કરી શકે છે.
Update : મીડિયામાં આ ગોલ્ડ એમનેસ્ટી સ્કીમ લાવવાના રિપોર્ટ ફરતા થતાં સરકાર તરફથી સ્પષ્ટતા કરવાની ફરજ પડી હતી. આ બાબતે ખુલાસો કરતા કહ્યું હતું કે આવી કોઈ યોજના લાવવાનું સરકાર વિચારી નથી રહી. મીડિયામાં આવેલા રિપોર્ટ્સ માત્ર અટકળો જ છે.
Gold Amnesty Scheme
બ્લેક મનીથી ગોલ્ડ ખરીદતા લોકો સાવધાન થઇ જજો. એક મીડિયા રિપોર્ટને મળેલી જાણકારી અનુસાર બ્લેક મનીને રોકવા માટે સરકાર નોટબંધી બાદ બીજું સૌથી મોટું પગલું ઊઠાવવાની તૈયારીમાં છે. જે હેઠળ એમનેસ્ટી સ્કીમની તર્જ પર ગોલ્ડ માટે ખાસ સ્કીમ આવી શકે છે. સૂત્રોના હવાલાથી મળતી જાણકારી અનુસાર સરકાર ગોલ્ડમાં બ્લેક મની લગાવનાર પર લાલ આંખ કરવાની તૈયારીમાં છે. આ બ્લેક મનીના મોર્ચા પર નોટબંધી બાદ સરકારનું બીજું પગલું હશે. એના માટે ઇનકમ ટેક્સની એમનેસ્ટી સ્કીમના તર્જ પર ગોલ્ડ માટે ખાસ એમનેસ્ટી સ્કીમ લાવવામાં આવી શકે છે. એક નક્કી કરેલા પ્રમાણથી વધારે બિલ વગરનું ગોલ્ડ હશે તો એની જાણકારી આપવી પડશે અને ગોલ્ડની કિંમત સરકારને જણાવવી પડશે.
સોનાની વેલ્યૂ પર આપવો પડશે ટેક્સ
સૂત્રો પ્રમાણે આ એમનેસ્ટી સ્કીમ હેઠળ ગોલ્ડની કિંમત નક્કી કરવા માટે વેલ્યૂએશન સેન્ટરથી સર્ટિફિકેટ લેવું પડશે. બિલ વગર જેટલા ગોલ્ડનો ખુલાસો કરશો એની પર એક નક્કી કરેલો ટેક્સ આપવો પડશે. આ સ્કીમ એક ખાસ સમય મર્યાદા માટે ખોલવામાં આવશે. સ્કીમ ખતમ થયા બાદ નક્કી કરેલા પ્રમાણથી વધારે ગોલ્ડ મળી આવશે તો ભારે દંડ ચુકવવો પડશે. મંદિર અને ટ્રસ્ટ પાસે રહેલા ગોલ્ડને પણ પ્રોડક્ટિવ ઈન્વેસ્ટમેન્ટ સ્વરૂપે ઉપયોગ કરવા માટે ખાસ જાહેરાત થઈ શકે છે.
જલ્દીથી મળી શકે છે મંજૂરી
સૂત્રો પ્રમાણે નાણા મંત્રાલયના ઇકોનૉમિક અફેયર્સ વિભાગ અને આવક વિભાગે મળીને આ સ્કીમનો ડ્રાફ્ટ તૈયાર કર્યો છે. નાણા મંત્રાલયે પોતાનો પ્રસ્તાવ કેબિનેટની પાસે મોકલ્યો છે. જલ્દી કેબિનેટથી એને મંજૂરી મળી શકે છે. ઓક્ટોબરના બીજા સપ્તાહમાં કેબિનેટમાં એની પર ચર્ચા થવાની હતી. મહારાષ્ટ્ર અને હરિયાણાના રાજ્ય ચૂંટણીના કારણે છેલ્લા સમયે નિર્ણય ટાળવામાં આવ્યો.
એસેટ ક્લાસ તરીકે પ્રોત્સાહન
સૂત્રો પાસેથી મળતી જાણકારી અનુસાર એમનેસ્ટી સ્કીમની સાથે સાથે ગોલ્ડને એસેટ ક્લાસ તરીકે પ્રોત્સાહન આપવાની પણ જાહેરાત થઇ શકે છે. એના માટે સોવરન ગોલ્ડ બૉન્ડ સ્કીમને આકર્ષક બનાવા માટે મહત્વના ફેરફાર કરવામાં આવી શકે છે. સોવરન ગોલ્ડ બૉન્ડ સર્ટિફિકેટને મોર્ટગેજ કરવાનો પણ વિકલ્પ પણ આપવામાં આવી શકે છે અને ગોલ્ડ બોર્ડ બનાવવાની જાહેરાત કરવામાં આવી શકે છે. સરકારની ગોલ્ડને પ્રોડક્ટિવ ઇન્વેસ્ટમેન્ટ તરીકે પણ વિક્સિત કરવાની ઇચ્છા છે. એના માટે આઇઆઇએમના પ્રોફેસરની ભલામણના આધાર પર ડ્રાફ્ટ તૈયાર કરવામાં આવ્યો છે.