મહત્વના સમાચાર / કોરોનાકાળમાં ભારતમાં આવતા અઠવાડિયે વેક્સીનને લઇને મળી શકે છે એક મોટા સમાચાર

• ભારતમાં કોરોના વેક્સિનના ઉપયોગની મળી શકે છે મંજૂરી
• ઓક્સફોર્ડની એસ્ટ્રાજેનેકા વેક્સિનને મળી શકે છે મંજૂરી
• સોમવારના એસ્ટ્રાજેનેકા વેક્સિનનો સોંપાયો છે ડેટા

ભારત જો બ્રિટિશ દવા નિર્માતા ઓક્સફોર્ડ-એસ્ટ્રોજેનેકાની કોરોના વેક્સીનને લીલી ઝંડી આપી દે છે તો આ વેક્સીનના ઉપયોગને ઇમર્જન્સી મંજૂરી આપનારા પ્રથમ દેશ બની જશે. કારણ કે બ્રિટિશ દવા નિયામક હાલમાં પણ ઓક્સફોર્ડ-એસ્ટ્રાજેનેકની વેક્સીનનો લઇને પરીક્ષણ કરી રહ્યાં છે. 

ભારત દુનિયાનો સૌથી મોટો વેક્સીન બનાવનારો દેશ છે, જે આવતા મહીને પોતાના નાગરિકોને રસી આપવાનું શરુ કરવા અંગે વિચારી રહ્યું છે. ઓક્સફોર્ડ-એસ્ટ્રાજેનેકા સિવાય ફાઇઝર ઇંક અને સ્થાનિક કંપની ભારત બાયોટેક દ્વારા બનાવામાં આવેલ વેક્સીનના ઇમરર્જન્સી ઉપયોગને લઇને ભારત સરકાર વિચાર કરી રહી છે. 

 

દુનિયાની સૌથી વધારે જનસંખ્યાવાળા દેશમાં સૌથી વધારે સંક્રમણ દરની વચ્ચે કોરોના વેક્સીન પ્રાપ્ત કરવી પણ મહામારી સામેની લડાઇમાં એક મોટુ પગલું હશે. ખાસ વાતતો એ છે કે ઓક્સફોર્ડ-એસ્ટ્રાજેનેકાનું કોરોના વેક્સીન નિમ્ન-ઇન્કમવાળા દેશ અને ગર્મ જળવાયુવાળા દેશના લોકો માટે મહત્વપૂર્ણ માનવામાં આવે છે, કારણ કે આ સસ્તી છે. પરિવહન માટે આસાન છે અને સામાન્ય ફ્રિજના તાપમમાં પણ લાંબા સમય સુધી તેને રાખી શકાય છે. 

ભારતમાં ઓક્સફોર્ડની એસ્ટ્રાજેનેકા વેક્સિનને મંજૂરી મળી શકે છે.  સોમવારના એસ્ટ્રાજેનેકા વેક્સિનનો ડેટા સોંપવામાં આવ્યો હતો. CDSCOની 9 ડિસેમ્બરની બેઠકમાં ડેટા માગ્યો હતો.

 

સૂત્રો પાસેથી મળતી માહિતી મુજબ ભારતીય આરોગ્ય અધિકારીઓ બ્રિટીશ સરકારના સંપર્કમાં છે.  ટૂંક સમયમાં એસ્ટ્રાજેનેકા વેક્સિનની મંજૂરી મળશે. આગામી 28થી 30 ડિસેમ્બર સુધીમાં વેક્સિનને મંજૂરી મળી શકે છે. એસ્ટ્રાજેનેકા વેક્સિનનના 2 ડોઝ 90 ટકા સુધી અસરદાર છે.

ભારતમાં એસ્ટ્રાજેનેકા વેક્સિનનું ઉત્પાદન થઇ રહ્યું છે. સીરમ ઇન્સ્ટિટ્યૂટ સાથે મળીને કંપની વેક્સીન બનાવી રહી છે. સીરમ એસ્ટ્રાજેનેકા રસીના 5 કરોડ ડોઝ તૈયાર કરી ચુક્યુ છે. જુલાઇ 2021 સુધીમાં 40 કરોડ ડોઝ તૈયાર કરવાનો લક્ષ્યાંક છે.