આદેશ / ગુજરાત સરકારનો મહત્વનો નિર્ણયઃ રાજ્યની તમામ જમીનની આ ટેક્નોલોજીથી માપણી થશે

• તમામ સરકારી જમીનની માપણી કરવાનો લેવાયો નિર્ણય
• રાજ્યભરમાં આધુનિક ટેક્નોલોજીથી માપણી કરવામાં આવશે
• જમીન માપવા માટે જીઓમેપિંગ સિસ્ટમ વિકસાવવામાં આવી

આ બેઠકમાં જીઓમેપિંગથી જમીન માપણી કરવાનું નક્કી કરવામાં આવ્યુ છે. આ બેઠકમાં સરકારી જમીન પર થયેલા દબાણની ફરિયાદો વિશે પણ ચર્ચા કરાઈ હતી. રાજ્યમાં પ્રથમ શહેર વડોદરામાં જમીન માપણી કરવામાં આવી છે.

વડોદરાના શહેરી વિસ્તારમાં ડ્રોનની મદદથી જીઓમેપિંગ સિસ્ટમથી જમીનની માપણી કરવામાં આવી છે.  જીઓમેપિંગ સિસ્ટમથી માપણી કર્યા બાદ સરકાર દ્વારા યુદ્ધના ધોરણે દબાણ દૂર કરવાની કામગીરી હાથ ધરાશે.

સરકાર દ્વારા જમીનની માપણી કર્યા બાદ ઓનલાઈને ડેટા અપલોડ કરવામાં આવશે. શહેરી વિસ્તારમાં મનપા અને ગ્રામીણ વિસ્તારમાં કલેકટર નેજા હેઠળ દબાણ દૂર કરવાની કામગીરી હાથ ધરાશે. સરકારી જમીન પર દબાણ કરનાર લોકોના વિરૂદ્ધમાં કડક પગલા લેવામાં આવશે.