આનંદો! / કાર ચાલકો માટે ખુશખબર! CNG અને LPG કિટને લઈને મોદી સરકારનો મોટો નિર્ણય,તમારે જાણવો જરૂરી

• કાર ચાલકો માટે ખુશખબર!
• CNG અને LPG કિટને લઈને મોદી સરકારનો મોટો નિર્ણય
• BS-6 વાહનોમાં ફિટ કરાવી શકાશે CNG અને LPG કિટના રેટ્રો ફિટમેન્ટ

એ સાથે જ 3.5 ટનથી ઓછા વજનવાળા CNG/LPG એન્જિન સાથે ડીઝલ એન્જિન બદલવાની મંજૂરી આપવાનો પ્રસ્તાવ મૂક્યો છે. હાલમાં, BS-VI ઉત્સર્જન ધોરણો હેઠળ મોટર વાહનોમાં CNG અને LPG કિટના રેટ્રો ફિટમેન્ટની મંજૂરી છે.

મંગાવાયા સૂચનો 

આ પ્રસ્તાવ વિવિધ હિતધારકો સાથે પરામર્શ કરીને તૈયાર કરવામાં આવ્યો છે. આ સંદર્ભમાં તમામ સંબંધિત હિતધારકો પાસેથી 30 દિવસમાં સૂચનો માંગવામાં આવ્યા છે. કેન્દ્રીય માર્ગ પરિવહન મંત્રી નીતિન ગડકરીના થોડા દિવસો બાદ આ પ્રસ્તાવ આવ્યો છે કે ગ્રીન ફ્યુઅલ અને ઈલેક્ટ્રિકથી ચાલતા વાહનો ડીઝલ અને પેટ્રોલ પર ચાલનારા હાલના વાહનોનું સ્થાન લેશે.

વેલિડિટી ત્રણ વર્ષ માટે રહેશે, ત્યારબાદ દર વર્ષે તેને રિન્યુ કરાવવી પડશે

મંત્રાલયે નોટિફિકેશનમાં કહ્યું છે કે CNG કિટ સાથે રિટ્રોફિટ કરાયેલા વાહનો માટે પ્રકારની મંજૂરી આવી મંજૂરી જારી થયાની તારીખથી ત્રણ વર્ષ માટે માન્ય રહેશે. આ પછી, તેને દર ત્રણ વર્ષમાં એકવાર રિન્યુ કરાવવાનું રહેશે. ખાસ ઉત્પાદિત વાહનો માટે CNG રેટ્રોફિટ વાહનોની મંજૂરી આપવામાં આવશે.

ફક્ત અધિકૃત ડીલર પાસેથી જ કીટ ઇન્સ્ટોલ કરો

કારમાં લગાવેલી તમામ CNG કિટ અસલી હોતી નથી. આવી સ્થિતિમાં, તમારી કારમાં કોઈપણ CNG કિટ લગાવતા પહેલા, તેની સત્યતાને ઓળખો. તમારે સ્થાનિક વિક્રેતા પાસેથી કીટ મેળવવાનું ટાળવું જોઈએ અને ફક્ત અધિકૃત ડીલર પાસેથી જ કીટ ઇન્સ્ટોલ કરાવવી જોઈએ. જો કે, નબળી ગુણવત્તાવાળી કીટ અને અયોગ્ય ફિટિંગ લીકેજ તરફ દોરી શકે છે. જેના કારણે આગ લાગવાનો ભય છે.

પેસેન્જર બસોમાં ફાયર વોર્નિંગ સિસ્ટમ જરૂરી છે

અન્ય એક નિર્ણયમાં મંત્રાલયે લાંબા અંતરની પેસેન્જર બસો અને સ્કૂલ બસોમાં ફાયર એલાર્મ અને સપ્રેશન સિસ્ટમ લગાવવાનું ફરજિયાત બનાવ્યું છે. પેસેન્જર બસો અને સ્કૂલ બસો, જે લાંબા અંતરને આવરી લેવા માટે બનાવવામાં આવી રહી છે અને ચલાવવામાં આવી રહી છે, તેઓએ જે ભાગમાં લોકો બેસે છે ત્યાં આગ નિવારણ સિસ્ટમ સ્થાપિત કરવી પડશે, નિવેદનમાં જણાવાયું છે. આ માટે 27 જાન્યુઆરીએ નોટિફિકેશન બહાર પાડવામાં આવ્યું છે.