દેશભરમાં ઇલેક્ટ્રિક વ્હીકલ્સ માટે ચાર્જિંગ સ્ટેશન અને અન્ય ઇન્ફ્રાસ્ટ્રક્ચરને તૈયાર કરવા પર સરકાર દબાણ કરી રહી છે. એના માટે ટ્રેનિંગ પણ આપવામાં આવી રહી છે. જેમાં તમે ભાગ લઇને પોતાનો બિઝનેસ ઓપન કરી શકો છો.
દેશમાં ઇલેક્ટ્રિક ચાર્જિંગ સ્ટેશન ખોલવાની નવી યોજના બનાવી છે
આ ટ્રેનિંગ માટે તમારે 6500 રૂપિયા ખર્ચ કરવા પડશે
ટ્રેનિંગને પૂરી કર્યા બાદ તમને સરકાર તરફથી એક સર્ટિફિકેટ પણ આપવામાં આવશે
કેન્દ્ર સરકારે દેશમાં ઇલેક્ટ્રિક ચાર્જિંગ સ્ટેશન ખોલવાની નવી યોજના બનાવી છે. સૂક્ષ્મ, લઘુ અને મધ્યમ ઉદ્યોગ મંત્રાલય આ યોજનાને આગળ વધારવા માટે યુવાઓને ટ્રેનિંગ આપી રહી છે. ટ્રેનિંગ દરમિયાન તમને ચાર્જિંગ સ્ટેશન માટે પૂરી જાણકારી આપવામાં આવશે. એની સાથે જ કામ કરવાની નવી ટેકનીક પણ શિખવવામાં આવશે. આ બે દિવસનો ટ્રેનિંગ કોર્સ રાજધાની દિલ્હીમાં આગામી 25 અને 26 જાન્યુઆરીએ આયોજિત કરવામાં આવ્યો છે. આ ટ્રેનિંગમાં તમને આ બિઝનેસ માટે પણ પૂરી જાણકારી આપવામાં આવશે. આ ટ્રેનિંગ માટે 6500 રૂપિયા ફી ના રૂપમાં આપવા પડશે.
ટ્રેંનિંગમાં આપવામાં આવશે સર્ટિફિકેટ
ઇલેક્ટ્રેક વ્હીકલ ચાર્જિંગ સ્ટેશન ઇન્ફ્રાસ્ટ્રક્ચર એન્ડ ટેકનોલોજી હેઠળ આ પ્રોગ્રામ નવી દિલ્હીની ઇસ્ટ કૈલાશના શૂહુલ કૉન્ટિનેન્ટમાં આયોજિત કરવામાં આવશે. ટ્રેનિંગ સવારે 10 થી સાંજે 5 વાગ્યા સુધી રહેશે. આ ટ્રેનિંગમાં તમને મેકેનિઝ્મ, સોલર પાવર્ડ ઇલેક્ટ્રિક વ્હીકલ ચાર્જિંગ સ્ટેશન ટેક્નોલોજી, ઇન્ફ્રાસ્ટ્રક્ચર, બિઝનેસ, સોલર પીવી ચાર્જિગ કનેક્ટિવિટી ટેરિફ વગેરે માટે જાણકારી આપવામાં આવશે.
ટ્રેનિંગમાં આપવામાં આવશે સર્ટિફિકેટ
આ ટ્રેનિંગમાં જતા પહેલા તમારે રજિસ્ટ્રેશન કરાવવું પડશે. રજિસ્ટ્રેશન માટે તમારે 100 રૂપિયા ખર્ચ કરવા પડશે. એની સાથે જ આ ટ્રેનિંગ માટે તમારે 6500 રૂપિયા ખર્ચ કરવા પડશે. આ ટ્રેનિંગને પૂરી કર્યા બાદ તમને સરકાર તરફથી એક સર્ટિફિકેટ પણ આપવામાં આવશે. જેની મદદથી તમે સરળતાથી ચાર્જિંગ સ્ટેશન ખોલી શકો છો. ટ્રેનિંગમાં જવા માટે તમારે આધાર કાર્ડની ફોટોકોપી, એજ્યુકેશનલ ક્વોલિફિકેશનના ડૉક્યુમેન્ટ અને 2 પાસપોર્ટ સાઇઝ ફોટો લઇને જવું પડશે.