સરકાર તરફથી આરોગ્ય સેતુ એપ યુઝર્સ માટે એક નવી સુવિધા શરુ કરાઈ છે. જણાવી દઈએ કે આ સુવિધાથી આરોગ્ય સેતુ એપ યુઝર્સ માટે પોતાનો હેલ્થ રેકોર્ડ રાખવો સરળ બની જશે.
આરોગ્ય સેતુ એપ યુઝર્સ માટે સરપ્રાઈઝ
હેલ્થનો રેકોર્ડ રાખવો બન્યો સરળ
પહેલાં પણ થઇ ચૂક્યા છે નવા ફીચર્સ ઇન્ટ્રડ્યુઝ
બધા નાગરિકોના હેલ્થ ID બનવાની તૈયારી
અસલમાં, પીએમ મોદીના આયુષ્માન ભારત ડિજિટલ મિશનનું લોન્ચિંગ કર્યા બાદ દરેક નાગરિકનું હેલ્થ ID બનાવવાની વાત થઇ હતી. પ્રધાનમંત્રીનું કહેવું છે કે આ યોજનાએ ગરીબ તથા મિડલ ક્લાસ લોકોના ઈલાજમાં મુખ્ય ભૂમિકા ભજવી છે તથા ડિજીટલિ આ યોજના વધારે સફળ થશે.
દર્દી તથા ડોક્ટર બંને માટે સહજ
પીએમ મોદીએ જાણકારી આપતા કહ્યું હતું કે હેલ્થ આઈડી દ્વારા દર્દી તથા ડોક્ટર બંને પોતાના રેકોર્ડ્સ ચેક કરી શકે છે. જેમાં હોસ્પિટલ-કલીનીક-મેડિકલ સ્ટોર્સ સાથે સાથે ડોક્ટર્સ, નર્સ, હેલ્થ વર્કર્સનું પણ રજીસ્ટ્રેશન થશે.
આ પહેલા પણ કરતા રહ્યા અપડેટ
જણાવી દઈએ કે 12 કરોડથી પણ વધારે લોકો દ્વારા ડાઉનલોડ થયેલ આ એપમાં અ પહેલા પણ ઘણી વાર નવા ફીચર્સ એડ થઇ ચૂક્યા છે. પછી એ વેક્સીનેટેડ લોકોની આરોગ્ય સેતુ એપ અકાઉન્ટ પર બ્લૂ ટીક કે બ્લૂ શીલ્ડ હોય કે કંપનીઓના કર્મચારીઓના હેલ્થ સ્ટેટસની જાણકારી આપવામાં મદદ કરવાવાળું ફીચર હોય.