દેશમાં ડુંગળીના વધતા ભાવને લઈને કેન્દ્ર સરકારે કડક પગલા લીધા છે. ડુંગળીના વધતા ભાવને ધ્યાનમાં રાખીને કેન્દ્ર સરકારે ડુંગળી પર સ્ટોક લિમિટનો નિયમ લાગુ કર્યો છે. જથ્થાબંધ વેપારી હવે ફક્ત 25 મેટ્રિક ટન ડુંગળીનો જ સ્ટોક કરી શકે છે.
મોંઘી થયેલી ડુંગળીના ભાવ ઘટાડવા સરકારે લીધા મોટા પગલા
હવે ફક્ત 25 મેટ્રિક ટન ડુંગળીનો જ સ્ટોક કરી શકશે જથ્થાબંધ વેપારી
ભાવ નિયંત્રણમાં લાવવા માટે વિદેશથી ડુંગળીની કરાશે આયાત
આ સાથે જ રિટેલ વેપારીઓ ફક્ત બે મેટ્રિક ટન ડુંગળીનો જ સંગ્રહ કરી શકશે. એટલું જ નહીં, બજારોમાં ડુંગળીનું આગમન વધારવા માટે એમએમટીસી 10,000 મેટ્રિક ટન ડુંગળીની આયાત કરવાના ટેન્ડર બહાર પાડશે. ખાનગી કંપનીઓ ઉપરાંત એમએમટીસી લાલ ડુંગળીની આયાત કરશે.
ભાવ નિયંત્રણમાં લાવવા માટે વિદેશથી ડુંગળીની કરાશે આયાત
દેશના અનેક શહેરોમાં ડુંગળીના ભાવ પ્રતિ કિલો 100 રૂપિયાને પાર કરી ગયા છે. વધતા ભાવોને નિયંત્રિત કરવા માટે ડુંગળીની સ્ટોક લિમિટ નક્કી કરવામાં આવી છે. ડુંગળીને સ્ટોક મર્યાદાથી ઉપર રાખવા બદલ ગુનેગારો સામે કડક કાર્યવાહી કરવામાં આવશે. નાફેડે અત્યાર સુધીમાં 42 હજાર ટન ડુંગળી વેચી છે. જ્યારે નાફેડ પાસે 20 થી 25 હજાર ટન સ્ટોક બાકી છે. નાફેડે આ વર્ષે 98 હજાર ટનનો સ્ટોક બનાવ્યો હતો. એમએમટીસી આવતીકાલે ડુંગળીની આયાત માટે ટેન્ડર બહાર પાડશે.
6 લાખ મેટ્રિક ટન ડુંગળીના ઉત્પાદનને નુકસાન
આપને જણાવી દઇએ કે, વરસાદને કારણે 6 લાખ મેટ્રિક ટન ડુંગળીના ઉત્પાદનને અસર થઈ છે. ડુંગળી ઉત્પાદક રાજ્યોએ આ માહિતી આપી છે. કેટલા હોલ્ડરોએ ડુંગળી ઉઠાવી છે તેના આંકડા સરકાર પાસે નથી.
ડુંગળીના ભાવે 100 રૂપિયાની પાર પહોંચ્યા
દેશમાં હાલ શાકભાજીના ભાવ આભને આંબી રહ્યા છે. તેમાં ડુંગળીના ભાવે 100 રૂપિયાની પાર પહોંચી ગયા છે. ડુંગળીના ભાવ વધવા પાછળ કેટલાક કારણો જવાબદાર છે. જેની વાત કરીએ તો વધારે પડતા વરસાદને કારણે ડુંગળીના પાકને નુકસાન પહોંચ્યું...જેના કારણે ભાવમાં ભડકો થયો છે. આંધ્રપ્રદેશ, તેલંગણા અને મહારાષ્ટ્રમાં વરસાદે ડુંગળીની પાકને બર્બાદ કરી નાંખ્યો. તો ડુંગળીના ભાવ વધવાનું બીજુ કારણ બીજની અછત પણ છે.
દેશમાં 10 ટકા બીજની અછત જોવા મળી
દેશમાં 10 ટકા બીજની અછત જોવા મળી. બફર સ્ટોક પણ પુરતો ન હોવાથી ડુંગળીના ભાવે વધ્યા. એકલા તમિલનાડુમાં રોજ 2 હજાર ટન ડુંગળીની જરૂરિયાત વર્તાય છે...તેના પરથી સમજી શકાય છે કે દેશમાં માગ કેટલી હશે...ભાવ વધવાનું ચોથુ કારણ અસ્થિરતા પ્રીમિયમ પણ છે....આ બધા કારણોથી આજે ડુંગળીના ભાવે સદી વટાવી દીધી છે...