વેક્સિન / Fact Check : વેક્સિનના બહાને લોકોના શરીરમાં નાંખી રહ્યા છે માઇક્રોચિપ? જાણો શું છે હકીકત

• વેક્સિનેશનના બહાને માઇક્રોચિપ્સ ટ્રાંસપ્લાંટનો દાવો  
• સરકાર નાગરિકોને કંટ્રોલમાં રાખવાનો કરી રહી છે પ્રયત્ન 
• તપાસ બાદ ખોટા સાબિત કરવામાં આવ્યા તમામ દાવા

વેક્સિનેશનના બહાને માઇક્રોચિપ્સ ટ્રાંસપ્લાંટનો દાવો 
કોરોના મહામારીને ધ્યાનમાં રાખીને, ભારતમાં વિશ્વનું સૌથી મોટુ વેક્સિનેશન આભિયાન ચાલી રહ્યું છે. એક્સપર્ટ લોકોએ  કોરોના સામેની લડતમાં વેક્સિનને એક રક્ષણાત્મક ઉપાય તરીકે વર્ણવી છે. મહામારીની સ્થિતિમાં દેશના દરેક નાગરિકને વેક્સિન મળે તે માટે સરકાર દ્વારા એક મોટું અભિયાન ચલાવવામાં આવી રહ્યું છે. જોકે વેક્સિનેશન અભિયાનની શરૂઆતથી કેટલીક અફવાઓ સતત ફેલાઈ રહી છે, જેના કારણે ઘણા લોકો વેક્સિન લેવાથી અચકાતા હોય છે. 

સોશિયલ મીડિયા પર થઈ રહ્યો છે દાવો 
વેક્સિનેશન અભિયાન દરમિયાન સોશિયલ મીડિયા પર એક નવો દાવો કરતો વિડીયો વાયરલ થઈ રહ્યો છે. આ દાવામાં એવું કહેવામાં આવી રહ્યું છે કે સરકાર વેક્સિનના બહાને લોકોના શરીરમાં માઇક્રોચિપ્સ ટ્રાંસપ્લાંટ કરી રહી છે. જેથી સરકાર દેશના તમામ નાગરિકોને નિયંત્રણમાં રાખી શકે. આવા દાવાઓથી સંબંધીત ઘણા વિડિઓઝ સોશિયલ મીડિયા પ્લેટફોર્મ પર ઝડપથી વાયરલ થઈ રહી છે. 

આ છે અફવા પાછળના સત્ય 
તમામ તપાસ કર્યા બાદ આવો કોઈ પુરાવો સામે આવ્યો નથી જે સરકાર દ્વારા વેક્સિનના બહાને માઇક્રોચિપ્સ ટ્રાંસપ્લાંટ કરવાના દાવાને યોગ્ય ઠેરવી શકે. આ ઉપરાંત પાસપોર્ટ માટે સરકારે વેક્સિનેશનને ફરજિયાત જાહેર કર્યું હોય તેવા પણ કોઈ સમાચાર નથી. આવી સ્થિતિમાં તપાસ બાદ સોશિયલ મીડિયા પર કરવામાં આવેલ આ દાવા ખોટા હોવાનું જાણવા મળ્યું છે. આ પહેલા પણ સોશિયલ મીડિયા પર એક અફવા ફેલાઈ હતી કે બિલ ગેટ્સ લોકોના બાયોમેટ્રિક ડેટા એકત્રિત કરવા માટે વેક્સિનેશનનો ઉપયોગ કરી રહ્યા છે. તપાસ બાદ આ દાવો પણ ખોટો હોવાનું જણાયું હતું. દેશમાં કોરોનાને નિયંત્રણમાં રાખવા માટે સરકાર દ્વાર માત્ર વેક્સિનેશન અભિયાનને જ તીવ્ર બનાવવામાં નથી આવ્યું, પરંતુ કોવિન પોર્ટલ પર ફરજિયાત નોંધણી પણ નાબૂદ કરી દેવામાં આવી છે. જેનાથી લોકો સરળ રીતે વેક્સિન પ્રાપ્ત કરી શકે છે. કોરોના મહામારીની સ્થિતિમાં તે જ યોગ્ય રહેશે કે દરેક વ્યક્તિએ વેક્સિનના બંને ડોઝ લેવા જોઈએ, જેથી કોરોના સામેનો યુદ્ધ જીતી શકાય.