તક / તમને પણ એક્ટિંગ-સિંગિંગમાં રસ હોય તો મોદી સરકાર આપી રહી છે ગોલ્ડન ચાન્સ, આજે જ ઉઠાવો લાભ

• ફિલ્મમાં ભવિષ્ય બનાવવા માંગતા યુવાનો માટે તક 
• મોદી સરકાર આપી રહી છે મોકો 
• જાણો કઈ રીતે કરશો અરજી 

સુચના અને પ્રસાર મંત્રાલયે આઝાદીના અમૃત મહોત્સવ હેઠળ ફિલ્મ નિર્માણના વિવિધ ટેલેન્ટ હેઠળ 75 યુવા પ્રતિભાઓની પસંદગી માટે અરજી કરવા માટે આમંત્રિત કર્યા છે. આ પસંદગી પેમેલા યુવાઓને નવેમ્બરમાં ગોવામાં આયોજીત થનાર ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI)ની પ્રમુખ ગતિવિધિઓમાં ભાગ લેવાનો મોકો મળશે. કેન્દ્રીય સુચના અને પ્રસારણ મંત્રી અનુરાગ ઠાકુરે શુક્રવારે ટ્વીટ કરી આ વાતની જાણકારી આપી છે. 

ટ્વીટમાં આપવામાં આવેલી જાણકારી અનુસાર જો તમે નિર્દેશન, એડિટિંગ, સ્ક્રિપ્ટ રાઈટિંગ અને પ્લેબેક સિંગિંગ જેવું ટેલેન્ટ ધરાવતા હોવ તો આ તમારા માટે સુવર્ણ તક છે. અરજી કરનારમાંથી પહેલા 150 યુવાઓને શોર્ટલિસ્ટ કરવામાં આવશે. જ્યાર બાદ એક કમીટી 75 ઉમેદવારોની પસંદગી કરશે. જેમને ફિલ્મ ફેસ્ટિવલના તમામ કાર્યક્રમોમાં ભાગ લેવાનો મોકો મળશે. 

📽️'75 𝑪𝑹𝑬𝑨𝑻𝑰𝑽𝑬 𝑴𝑰𝑵𝑫𝑺 𝑶𝑭 𝑻𝑶𝑴𝑶𝑹𝑹𝑶𝑾'

Are you into Direction, Editing, Cinematography, Sound Recording, Acting,Playback Singing, Production Design or Scriptwriting?

A unique opportunity to participate @IFFIGoa & attend masterclasses👇🏼https://t.co/zvW9gKnwWd pic.twitter.com/w644GZz0vH

— Anurag Thakur (@ianuragthakur) October 29, 2021

પસંદગી પામેલ ઉમેદવારોને 20થી 28 નવેમ્બરમાં ગોવામાં 52માં ઈન્ટરનેશનલ ફિલ્મ ફેસ્ટિવલ ઓફ ઈન્ડિયામાં શામેલ થવા માટે બોલાવવામાં આવશે. તેમને કાર્યક્રમોમાં ભાગ લેવાનો મોકો મળશે. 

અરજી માટે જરૂરી શરતો 
અરજી કરનાર એક ભારતીય નાગરિક હોવો જોઈએ. તે ડાયરેક્શન, એડિટિંગ, સિનેમેટેગ્રાફી, સાઉન્ડ રિકોર્ડિંગ, એક્ટિંગ, પ્લેબેક સિંગિંગ, પ્રોડક્શન ડિઝાઈન અને સ્ક્રિપ્ટ રાઈટિંગમાંથી કોઈ એક શ્રેણી ઓછામાં ઓછી બે શોર્ટ ફિલ્મ-ઓડિયોમાં કામ કરેલું હોવું જોઈએ. 

અરજીની સાથે મોકલેલ વીડિયો/ ઓડિયોનું ડ્યુરેશન જો 5 મિનિટ સુધી રહે તો સારૂ છે. પરંતુ 10 મિનિટથી વધારે ન હોવું જોઈએ. ફિલ્મ અથવા ઓડિયો મુળ ભાષા હોઈ શકે છે. પરંતુ સબટાઈટલનું અંગ્રેજી ભાષામાં હોવું જરૂરી છે. વીડિયો ત્રણ વર્ષથી વધુ જુનો ન હોવો જોઈએ અને અરજી કરનારની ઉંમર 1 ઓક્ટોબર, 2021 સુધી 35 વર્ષથી વધુ ન હોવી જોઈએ. જો તમે આ જરૂરી શરતોને પુરી કરવો છો તો તમે તેના માટે અરજી કરી શકો છો. 

કઈ રીતે અને ક્યાં કરશો એપ્લાય? 
અરજી કરનારને 1 નવેમ્બર, 2021ની  રાત સુધી અરજી કરવા માટે અને સ્કેન કરી મેલ આઈડી ([email protected])  પર મોકલવાનું રહેશે. ફોર્મ વેબસાઈટ (www.dff.gov.in) અને (www.iffigoa.org) પર છે. જો તમને મનમાં તેના માટે કોઈ પ્રશ્ન છે તો તમે  ([email protected]) પર મોકલી શકો છો. આ ઉપરાંત તમે ફોન નંબર 011-26499352 અને 011-26499371 પર સંપર્ક કરી શકો છો. 

આ કાર્યક્રમમાં 75 યુવા ઉમેદવારોની પસંદગી માટે મોટી ફિલ્મી હસ્તીઓ નિર્ણાયક મંડળમાં હશે. જે પહેલા ઉમેદવારોમાંથી 150 પ્રતિયોગીઓની પસંદગી કરશે અને પછી તેમાંથી 75 ટકાની પસંદગી કરશે. નિર્ણાયક મંડળનો નિર્ણય અંતિમ હશે અને તેના પર કોઈ સુનાવણી નહીં કરવામાં આવે.