કોરોના વાયરસના સંકટ વચ્ચે નાગરિકોને સરકાર દ્વારા એક રાહત આપવામાં આવી છે. સરકારે ટીડીએસ ફોર્મ ભરવાની તારીખને આગળ વધારવાનો નિર્ણય લીધો છે. ઇનકમ ટેક્સ વિભાગે ચાલૂ નાણાકીય વર્ષ માટે TDS માટે ભરવામાં આવતા ફોર્મ 15H અને 15G ભરવાની તારીખ વધારીને 30 જૂન 2020 કરી દીધી છે.
કોરોના વાયરસના સંકટ વચ્ચે નાગરિકોને સરકાર દ્વારા એક રાહત આપવામાં આવી
TDS માટે ફોર્મ 15H અને 15G ભરવાની તારીખ વધારીને 30 જૂન 2020 કરી દેવાઇ
સરકારના આ નિર્ણયથી બેન્કોમાં ફિક્સડ ડિપૉજિટ (FD) કરાવનાર, સેલરી મેળવતા અને કંપનીઓને રાહત મળી છે. એફડીમાં ફિક્સ કરવામાં આવેલી રકમથી મળતા વ્યાજની આવક પણ ટીડીએસ હેઠળ આવી જાય છે.
કેન્દ્રીય પ્રત્યક્ષ કર બોર્ડ (CBDT)એ આ નિર્ણય પર કહ્યું કે કોરોના વાયરસ મહામારીની સ્થિતિમાં કેટલાક લોકો સમય પર ફોર્મ જમા કરાવી શક્યા નથી. ત્યારે તેમનો ટીડીએસ કપાઇ જશે. સીબીડીટીએ કહ્યું કે એવામાં લોકોને મુશ્કેલી ન પડે તેના માટે આ પગલુ ઉઠાવાયું છે.
ફોર્મ 15G અને ફોર્મ 15H સ્વ ઘોષિત ફોર્મ હોય છે. આ ફોર્મ એ લોકો માટે છે જે ઇનકમ ટેક્સની મર્યાદા માં નથી આવતા પરંતુ બેન્ક દ્વારા આપવામાં વ્યાજ પર તેમનું ટીડીએસ કપાય છે. ફોર્મ 15H વરિષ્ઠ ગ્રાહકો માટે હોય છે અને 15G બાકી અન્ય ગ્રાહકો માટે હોય છે. બેન્ક દ્વારા એ લોકોનો TDS કાપવામાં આવે છે જેમની આવક પર એક વર્ષમાં 10,000થી વધારેનું વ્યાજ આપવામાં આવે છે.
જો આપની આવક ટેક્સથી ઓછી હોય છે તો આપનો ટીડીએસ કાપવામાં આવે છે, તો આપ ફોર્મ 15G અને ફોર્મ 15H ભરીને આપના વ્યાજની આવક પર કાપવામાં આવનાર TDSને કાપવાથી રોકવા માટે બેન્કને નિવેદન કરી શકો છો. ટીડીએસ ઇનકમ ટેક્સનો એક ભાગ હોય છે અને તેનો અર્થ થાય છે 'ટેક્સ ડિડક્ટેડ એડ સોર્સ'. સરકાર તેના દ્વારા સોર્સ પર ટેક્સ કાપી લે છે.