વિવાદ વકર્યો / બસ હવે બહું થયું, કેન્દ્ર સરકારે ઉગામ્યું છેલ્લું હથિયાર, ટ્વિટરને કહ્યું, નિયમોનું પાલન કરો નહીંતર...

• સરકાર અને ટ્વિટર વચ્ચેનો જંગ ઉગ્ર બન્યો
• ટ્વિટર નવા આઈટી નિયમોના પાલનની વિરૃદ્ધમાં
• સરકારે અંતિમ નોટીસ આપીને ચેતવણી આપી
• નિયમોનું પાલન કરો અન્યથા ગંભીર પરિણામ ભોગવવા તૈયાર રહો 

નિયમોનું પાલન ન કરવાની જીદ પ્રતિબદ્ધતાનો અભાવ છતો કરે છે 

કેન્દ્રીય આઈટી મંત્રાલયે ટ્વિટરને ચેતવણી આપતા જણાવ્યું કે નવા નિયમોનું પાલન ન કરવાની ટ્વિટરની જીદથી સાબિત થાય છે કે કંપનીમાં પ્રતિબદ્ધતાનો અભાવ છે અને તે ભારતના લોકોને તેના પ્લેટફોર્મ પરથી સુરક્ષિત અનુભવ પુરો પાડવાનો પ્રયાસ કરવા માંગતી નથી. 

નિયમોનું પાલન કરવાનો તમારો ઈરાદો પણ લાગતો નથી-સરકારને ટ્વિટરને જણાવ્યું 

મંત્રાલયે ટ્વિટરને પાઠવેલી નોટીસમાં જણાવ્યું કે એ જાણીને અત્યંત ખેદ થયો કે આઈટી મિનિસ્ટ્રીના પત્રમાં તમારા જવાબમાં સરકારના સવાલ પર કોઈ જવાબ અપાયો નથી કે નિયમોનું પાલન કરવાનો તમારો ઈરાદો પણ લાગતો નથી.મંત્રાલયે જણાવ્યું કે ભારતમાં લગભગ એક દાયકાના કામકાજ છતાં પણ એ વિશ્વાસ કરવો મુશ્કેલ છે કે ટ્વિટરે એક એવું તંત્ર બનાવવાનો ઈન્કાર કરી દીધો છે જેનાથી ભારતના લોકોને તેના  પ્લેટફોર્મ પર સમયસર અને પારદર્શી ધોરણે તેના મુદ્દાઓનો ઉકેલ લાવવામાં મદદ મળે. 

भारत सरकार ने नए आईटी नियमों के अनुपालन के लिए ट्विटर को फाइनल नोटिस दिया। pic.twitter.com/talRZmdCYZ

— ANI_HindiNews (@AHindinews) June 5, 2021

ટ્વિટર નિયમોનું પાલન ન કરે તો સરકાર શું કાર્યવાહી કરી શકે

સરકારે જણાવ્યું કે ટ્વિટર ઈન્ડીયાના નવા નિયમોનું તરત પાલન કરવા માટે છેલ્લી નોટીસ આપવામાં આવી છે. નોટીસ અનુસાર જો ટ્વિટર નિયમોનું પાલન કરવામાં નિષ્ફળ રહે તો તેની સામે આઈટી કાયદા, 2000 ની કલમ 79 હેઠળ મળેલી છૂટ પાછી ખેંચી લેવામાં આવશે અને દેશના આઈટીના કાયદા પ્રમાણે તેની સામે કડક કાર્યવાહી કરવામાં આવશે. મંત્રાલયને ટ્વિટરને ચોખ્ખા શબ્દોમાં જણાવ્યું કે જો ટ્વિટર નવા નિયમોનું પાલન કરવામાં નિષ્ફળ રહેશે તો તે આઈટી કાયદા હેઠળની જવાબદારીની છૂટ ગુમાવી બેસશે.