પગલા / જાસૂસી પ્રકરણમાં ભારત એક્શનમાં, ચીન સામે ઉઠાવ્યો મુદ્દો, સરકારે તપાસ માટે બનાવી એક્સપર્ટ કમિટી

• ચીની કંપની દ્વારા ભારતમાં જાસૂસી 
• તપાસ એક્સપર્ટ કમિટીની રચના
• ભારત સ્થિત રાજદૂત પાસે માગી સ્પષ્ટતા
• કમિટી 30 દિવસમાં સરકારને રિપોર્ટ સોંપશે

ભારત સરકારે રચેલી કમિટી ચીની કંપનીની જાસૂસીની તપાસ કરશે. ચીનની શેનઝેન કંપની પર જાસૂસી કરવાનો આરોપ લાગ્યો છે. સરકારે રચેલી કમિટી 30 દિવસમાં સરકારને રિપોર્ટ સોંપશે.  

કમિટી ચીની કંપની દ્વારા થયેલા નિયમોના ઉલ્લંઘનની તપાસ કરશે. ડેટા ચોરી પર ચીને  પોતાનો બચાવ કર્યો છે. ચીને કહ્યું ખાનગી કંપની સાથે તેમની સરકારને કોઈ લેવા દેવા નથી. ચીની કંપની દ્વારા જાસૂસીનો મામલો સંસદમાં પણ ઉઠી ચૂક્યો છે.

ચીની કંપની દ્વારા દેશમાં VVIP લોકોની જાસૂસીનો  ખુલાસો થયો છે. PMથી લઈને રાષ્ટ્રપતિ, PMOના અધિકારીઓની જાસૂસીનો ખુલાસો થયો છે.  મેયર, મુખ્ય સચિવો, DGPની જાસૂસી કરાઈ હોવાનો  ખુલાસો થયો છે. ઉદ્યોગપતિઓની પણ ચીની કંપનીએ જાસૂસીનો ભોગ બન્યા છે. એટલું જ નહીં પેમેન્ટ એપથી પણ ઈ કોમર્સ બિઝનેસ સાથે સંકળાયેલા લોકોની પણ જાસૂસી કરવામાં આવી છે. 

ચીની કંપની પર આરોપ છે કે તે લોકોની જાસૂસીની સાથે વ્યાવસાય તથા નાણાકિય લેવડ દેવડ પર પણ નજર રાખી રહી છે. જેને પગલે ભારત એક્શનના મુડમાં છે. ચીન વારંવાર અનેક રીતે ભારતને હેરાન કરી રહ્યું છે. પહેલા ચીની કંપનીઓ અનેક પ્રકારનીએપ દ્વારા ભારતીયોના ડેટા ચોરી કરી રહી હતી. પછી સરહદ પર વાંરવાર છમકલા કરતું રહ્યું છે. એ બાદ હવે જાસૂસી કરાવી રહ્યું છે. એટલું જ નહીં મોસ્કોમાં તથા સરહદ મુદ્દે અનેક સ્તરના અધિકારીઓ સાથે દ્વીપક્ષીય બેઠકનું નાટક કરી ભારત પર માછલા ધોઈ રહ્યું છે. જેથી આખરે જાસૂસી પ્રકરણમાં ભારત લડી લેવાના મુડમાં દેખાઈ રહ્યું છે.