દેશમાં પેટ્રોલ ડીઝલના ભાવમાં દિવસે દિવસે વધારો થઈ રહ્યો છે. જ્યારે આજે ફરી એક વખત પેટ્રોલ અને ડીઝલના ભાવમાં વધારો થયો છે. આજે પેટ્રોલના ભાવમાં 9 પૈસા અને ડીઝલના ભાવમાં 17 પૈસાનો વધારો થયો છે.
અમદાવાદમાં પેટ્રોલનો ભાવ વધીને 82 રૂપિયા અને 57 પૈસા પ્રતિ લીટરે પહોચ્યુ છે. જ્યારે શહેરમાં ડીઝલનો ભાવ વધીને 80 રૂપિયા અને 35 પૈસા પ્રતિ લીટરે પહોંચ્યુ છે. રાજ્યમાં પેટ્રોલનો સૌથી વધુ ભાવ ભાવનગરમાં છે.
ભાવનગરમાં પેટ્રોલનો ભાવ 83 રૂપિયા 68 પૈસા પ્રતિ લીટર છે. દેશમાં વધી રહેલા પેટ્રોલ અને ડીઝલના ભાવના કારણે જનતા પરેશાન છે. આ મામલે સરકાર દ્વારા કોઈ પણ પ્રકારની પ્રતિક્રિયા આપવામાં આવતી નથી. જેના કારણે લોકોમાં રોષ જોવા મળી રહ્યો છે.