ખુશખબર / ટેક્સપેયર્સ માટે મોટી રાહત, આ સ્કિમ હેઠળ 31 માર્ચ 2021 સુધી ટેક્સ ચૂકવણીની તારીખ લંબાવાઈ, સાથે મળશે આ લાભ પણ

• 31 માર્ચ 2021 સુધી ટેક્સ સાથે જોડાયેલા વિવાદ ઉકેલી શકાય છે
• સ્કીમ હેઠળ કરદાતાઓને ફક્ત વિવાદિત ટેક્સ રકમની ચૂકવણી કરવાની રહેશે
•  તેમણે વ્યાજ અને દંડની રકમમાં સંપૂર્ણ છુટ આપવામાં આવશે.

સત્તાવાર નિવેદનમાં જણાવ્યાનુંસાર વિવાદથી વિશ્વાસ યોજના હેઠળ ટેક્સ સાથે જોડાયેલા મામલાને પહોંચી વળવા કરદાતાઓને આગ વધારે રાહત આપવા માટે આ પગલું ભરવામાં આવ્યું છે. સરકારે મંગળવારે કોઈ પણ વધારાની રકમ વગર સમયસીમા 31 ડિસેમ્બર 2020થી વધારીને 31 માર્ચ 2021 કરી દીધી છે. જો કે આ ચૂકવણી ફક્ત કરવામાં આવેલી જાહેરાતના સંદર્ભમાં કરવામાં આવી છે.

નાણા સચિવ અજય ભૂષણ પાંડેએ વિવાદથી વિશ્વાસ યોજના હેઠળ ટેક્સ નિકાલને લઈને વીડિયો કોન્ફરન્સિંગ દ્વારા સમીક્ષા કરી હતી. આ પ્રસંગે સીબીડીટી ચેરમેન અને બોર્ડના અન્ય સભ્ય તથા પ્રધાન મુખ્ય કર આયુક્ત હાજર હતા. પાંડેએ કહ્યું કે આ યોજના કરદાતાઓને લાભ અને તેમની સુવિધા માટે છે. કેમ કે આના દ્વારા તાત્કાલિક વિવાદોનું સમાધાન થઈ શકશે.

ઉલ્લેખનીય છે કે આ પહેલા સરકારે મેમાં નાણા વર્ષ 2019-20 માટે ભરવામાં આવનાર  ITR ની તારીખ વધારીને 30 નવેમ્બર કરી હતી. આ ઉપરાંત આ યોજના હેઠળ તેને વધારી 31 ડિસેમ્બર 2020 કરી હતી.