જાહેરાત / કોરોના વેક્સિનના બંને ડોઝ લીધા બાદ જ સરકારી કર્મચારીઓને મળશે પગાર, જાણો કોણે લીધો આવો નિર્ણય

• કોરોનાકાળમાં વેક્સિન લેવા અપીલ
• બંને ડોઝ લીધા બાદ મળશે પગાર 
• ગયાના કલેક્ટરે કરી દીધી જાહેરાત 

ગયા અને બેગુસરાય કલેક્ટર તરફથી જાહેર કરવામાં આવેલ ચિઠ્ઠીમાં કહેવામાં આવ્યુ છે કે જો સેલેરી જોઇતી હોય તો વેક્સિનના બંને ડોઝ લેવા પડશે. 

વેક્સિનેશન સંબંધિત સાક્ષ્ય વિભાગ સામે પ્રસ્તુત કરવા પડશે. ગયા કલેક્ટર અભિષેક સિંહ તરફથી એક ચિઠ્ઠી 20 એપ્રિલના રોજ રજુ કરવામાં આવી છે. જેમાં કહેવામાં આવ્યુ છે કે માર્ચની સેલેરી જોઇતી હોય તો વેક્સિનના બંને પ્રમાણપત્ર વિભાગ સામે મૂકવા પડશે. તે બાદ જ સરકારી કર્મચારીઓને સેલેરી આપવામાં આવશે. 

કલેક્ટર તરફથી રજૂ કરવામાં આવેલ પત્રમાં કહેવામાં આવ્યુ છે કે કેટલાક લોકો વેક્સિનન પહેલો ડોઝ લીધા બાદ જ સેલેરી આપવામાં આવી રહી છે. કલેક્ટરે સ્પષ્ટ કરી દીધુ છે કે વેક્સિનનો બીજો ડોઝ લીધાનુ પ્રમાણપત્ર કર્મચારી આપશે ત્યારે જ માર્ચ મહિનાની સેલેરી આપવામાં આવશે. 

ભારતમાં કોરોના કહેર

ભારતમાં કોરોનાની બીજી લહેરના વિકરાળ રુપનો અંદાજો એ વાતથી લગાવી શકાય છે કે દેશમાં સંક્રમણના આંકડાએ સમગ્ર દુનિયાના રેકોર્ડ તોડી નાંખ્યા છે. વર્લ્ડોમીટરના જણાવ્યાનુસાર  બુધવારે રાતે 12 વાગ્યા સુધી 24 કલાકમાં ભારતમાં 3, 15, 478 નવા કેસ મળ્યા છે. મહામારીની શરુઆતથી લઈને અત્યાર સુધી એક દિવસમાં નોંધાયેલા દુનિયાના સૌથી વધારે આંકડા છે. આ માટે વિશ્વમાં એક દિવસમાં સૌથી વધારે નવા સંક્રમિત મળવાનો રેકોર્ડ અમેરિકાનો હતો.

24 કલાકમાં કુલ 2101 કોરોનાના દર્દીઓએ શ્વાસ છોડ્યો
અમેરિકામાં 8 જાન્યુઆરી 2021ના રોજ 3, 07, 570 નવા કેસ મળ્યા હતા. પરંતુ હવે આ મામલામાં ભારત સૌથી આગળ નિકળી ગયું છે. સતત 6 દિવસથી રોજ થનારા મોતની સંખ્યામાં રેકોર્ડ તોડી રહ્યું છે. 24 કલાકમાં કુલ 2101 કોરોનાના દર્દીઓએ શ્વાસ છોડ્યો છે. આ સાથે દેશમાં મરનારાઓની કુલ સંખ્યા 1, 84, 672 થઈ છે. અત્યાર સુધીમાં કોરોનાના કુલ કેસ 1, 59, 24, 732 થઈ ગઈ છે. દેશમાં સારવાર લઈ રહેલા દર્દીઓની સંખ્યા 22, 84, 209 પર પહોંચી ગઈ છે. આ કુલ સંક્રમિતોની સંખ્યાના 14.3 ટકા છે.

સાજા થનારાનો દર 85 ટકાથી નીચે 
કોરોના સંક્રમિત લોકોના સ્વસ્થ્ય થવાનો દર ઘટીને 84.5 ટકા રહી ગયો છે. આંકડા મુજબ આ બિમારીથી સ્વસ્થ થનારા લોકોની સંખ્યા 1,34, 47, 040 થઈ ગઈ છે. કોરોનાથી રાષ્ટ્રીય સ્તર પર મૃત્યુ દર ઘટી 1.20 ટકા થઈ ગઈ છે. પરંતુ મહારાષ્ટ્રમાં આ દર 1.5 ટકા અને પશ્ચિમ બંગાળમાં 1.6 ટકા છે.