આક્રોશ / અશોભનિય વર્તન પર રાજ્યના મામલતદારો મેદાને, સાંસદ સામે કડક પગલાની માંગ સાથે કહ્યું- માફી માંગો

• સાંસદ સભ્ય મનસુખ વસાવાના અસભ્ય વર્તનનો મામલો 
• માસ સીએલ પર ઉતરી કર્મચારીઓએ નોંધાવ્યો વિરોધ 
• મનસુખ વસાવા સામે પગલાં ભરવાની કર્માચારીઓની માંગ  

ભરુચના સાંસદ મનસુખ વસાવાએ કરજણ મામલતદાર અને તેમના સ્ટાફ સાથે અશોભનીય વર્તન કર્યુ હતુ. જે મામલાના સમગ્ર ગુજરાતમાં પડઘા પડ્યા છે. તાપી, પંચમહાલ, સુરેન્દ્રનગર સહિતના વિસ્તારમાં ફરજ બજાવતા સરકારી કર્મચારીઓ સાસંદના આ વર્તનને લઈ હડતાલ પર ઉતર્યા છે. જેમાં રાજ્યભરના મહેસૂલી કર્મચારીઓ તથા મામલતદારો સામૂહિક માસ સીએલ મૂકી મનસુખ વસાવાનો વિરોધ કરી રહ્યા છે.

વિવિધ મામલતદાર કચેરીના કર્મીઓએ માસ સીએલ મૂકી દર્શાવ્યો વિરોધ 

જેના સંદર્ભમાં તાપી સેવા સદન ખાતે ફરજ બજાવતા મહેસુલ કર્મચારી અને અધિકારીએ માસ સીએલ પર ઉતરી કર્મચારીઓએ વિરોધ નોંધાવ્યો હતો. અને કર્માચારીઓએ માંગ કરી હતી કે, સાંસદ સભ્ય મનસુખ વસાલા સામે તાત્કાલિક કાર્યવાહી કરવામાં આવે. બીજી તરફ ગોધરા, કાલોલ સહિતના તાલુકાઓમાં પણ મામલતદાર કચેરીના કર્મચારીઓએ આ અંગે પોતાનો વિરોધ દર્શાવ્યો હતો. અને તેઓ પણ સામૂહિક માસ સીએસ મૂકીને પોતાનો વિરોધ દર્શાવ્યો હતો. 

સાંસદ સભ્ય મનસુખ વસાવાના અસભ્ય વર્તનનો પડઘો સુરેન્દ્રનગરમાં પણ પડ્યો 

સુરેન્દ્રનગર જિલ્લાની તમામ સરકારી મામલતદાર નાયબ મામલતદાર અને ક્લાર્ક અને સહિત વિવિધ કચેરીઓના ફરજ બજાવતાં 800 થી વધુ કર્માચારીઓ હડતાલ પર ઉતરી આ અંગે પોતાનો વિરોધ નોંધાવ્યો હતો. આ સાથે તેઓ આક્ષેપ કરતાં જણાવ્યું હતું કે, ભરૂચ સંસદ દ્વારા મામલતદાર સાથે ગેર વર્તન ખૂબ અશોભિનય છે. તેઓએ સાંસદ મનસુખ વસાવા સામે    હપ્તા લેતા હોવાનો આક્ષેપ પણ કરાયો હતો. 

રાજ્યના કર્મચારીઓ દ્વારા સાંસદ વિરૂદ્ધ બાયો ચડાવી 

મામલતદાર એસોસિએશન દ્વારા મનસુખ વસાવા વિરૂદ્ધ કડક પગલા ભરવા મુખ્યમંત્રી, મહેસુલ મંત્રી તથા સચિવને રજૂઆત પણ કરી હતી. પરંતુ આજદિન સુધી કોઈ કાર્યવાહી ન થતાં રાજ્યના કર્મચારીઓ દ્વારા સાંસદ વિરૂદ્ધ બાયો ચડાવવામાં આવી છે. આપને જણાવી દઈયે કે, મનસુખ વાસાવાએ 21 ફેબ્રુઆરીના રોજ કરજણ મામલતદારને જાહેરમાં અપશબ્દો બોલી કહ્યુ હતુ કે "તમે હપ્તા ઉઘરાવો છો" જેનો વીડિયો પણ ખુબ વાયરલ થયો હતો.