મિનિ વેકેશન / સરકારી કર્મચારીઓ આ 3 રજા લેશે તો મળી શકે છે નવ દિવસના વેકેશનનો લાભ

ઓગસ્ટ મહિનો સરકારી કર્મચારીઓ માટે રજાનો રસથાળ લઈને આવ્યા છે. ખાસ કરીને આ મહિનાના બીજા અઠવાડિયામાં જો સરકારી કર્મચારીઓ ગોઠવણ મુજબ ૧૩, ૧૪ અને ૧૬ ઓગસ્ટની રજા મંજૂર કરાવે તો તેમને ૧૦થી 18 ઓગસ્ટ સુધી સતત નવ દિવસનું વેકેશન માણવાની તક મળશે.

ઓગસ્ટ મહિનામાં બીજા અઠવાડિયામાં શનિ-રવિની રજા ઉપરાંત લગભગ એકાંતરા તહેવારો આવે છે. જેમાં 10 ઓગસ્ટ બીજો શનિવાર, 11મી ઓગસ્ટ રવિવારની રજા, ૧૨મી ઓગસ્ટે જાહેર રજા, 15મી ઓગસ્ટે સ્વતંત્રતા પર્વ અને રક્ષાબંધનની જાહેર રજા અને 17મી ઓગસ્ટે પતેતીની રજા છે.

આમ, 10 ઓગસ્ટથી 18 ઓગસ્ટ સુધીમાં નવ દિવસ દરમિયાન સરકારી કર્મચારીઓ માત્ર ત્રણ દિવસની જ રજા લેશે તો તેને એક સાથે નવ નવ દિવસનું મિનિ વેકેશન માણવાની તક મળશે. મુસ્લિમ-હિંદુ તહેવારોની રજાના લીધે મિની-વેકેશનની રજા સરકારી કર્મચારીઓને માણવા મળશે.