રાજ્યના અનેક કર્મચારીઓઓ ચૂંટણીનો મોકો જોઈને સરકાર સામે આંદોલનો ચોકો લગાવી દીધો છે
પાટનગરમાં ગૂંજી આંદોલનની ગૂંજ
ચૂંટણીનો મોકો અને આંદોલનનો ચોકો
અસંતુષ્ટ કર્મચારીઓની માગણી બની બુલંદ
રાજકાજ અને વહીવટનું નગર એવું આપણું પાટનગર ગાંધીનગર, ચૂંટણી પહેલાં અસંતુષ્ટ કર્મચારીઓના આંદોલનું સમરાંગણ બની ગયું છે. ઘનઘોર વનોના રખેવાળો હોય, કે, દેશના સીમાડાના પૂર્વ પ્રહરીઓ હોય કે પછી રાજ્યના ચોથાવર્ગના કર્મચારી હોય કે હોય છેવાડાના ગામડાના ઉપેક્ષિત વોલન્ટિયર કોમ્પ્યુટર આંતરપ્રેન્યોરઆજે તમામ કર્મચારીઓ ચૂંટણીના મોકા પર આંદોલનો ચોકો ફટકારી રહ્યા છે.
સત્યાગ્રહ છાવણીમાં લાંબા સમયથી પોતાની માગણીની ધૂણી ધખાવી બેઠા
રાજકાજ અને વહીવટનું નગર એવું આપણું પાટનગર ગાંધીનગર, ચૂંટણી પહેલાં અસંતુષ્ટ કર્મચારીઓના આંદોલનનું સમરાંગણ બની ગયું છે. ઘનઘોર વનોના રખેવાળો હોય, કે, દેશના સીમાડાના પૂર્વ પ્રહરીઓ હોય કે પછી રાજ્યના ચોથાવર્ગના કર્મચારી હોય કે હોય છેવાડાના ગામડાના ઉપેક્ષિત વોલન્ટિયર કોમ્પ્યુટર આંતરપ્રેન્યોર અહીં રોજે રોજ રાજ્યના ખૂણે ખાંચરેથી સરકારી કર્મચારીઓ પોતાની વેદનાનો અવાજ સંભળાવવા આવી રહ્યા છે. કેટલાક કર્મચારી સંગઠનો અહીંની સત્યાગ્રહ છાવણીમાં લાંબા સમયથી પોતાની માગણીની ધૂણી ધખાવી બેઠા છે, તો કેટલાક સંગઠનોએ ચૂંટણી પહેલા સરકાર પર દબાણ ઊભું કરવાની તક ઝડપી લીધી છે.
ખરા ટાણે સૌ કોઈએ માંડ્યો મોરચો
આ દ્રશ્યો રાજ્યના ચોથાવર્ગના કર્મચારીએ સરકાર સામે માંડેલા મોરચાના છેતેઓ પોતાની વિવિધ માગણીને લઈને સરકારના દ્વાર ખટખટાવી રહ્યા છેતેમની માગણી છે કે, ભરતી પ્રકિયા નિયમિત બને, જૂની પેન્શનયોજના લાગૂ થાય, સાતમા પગારપંચનો લાબ મળે અને વય નિવૃત્તિની ઉંમર વધારવામાં આવે, અને આઉટ સોર્સના વર્ગ ચારના કર્મચારીને કાયમી કરાય આવી અનેક પ્રકારની માગણીને લઈને તેમણે સરકાર સામે ખરા ટાણે મોરચો માંડ્યો છેઅને આક્રોશ સાથે પોતાની માગણી બુલંદ બનાવી છે
કેટલી માગણીઓ અંગે સરકાર વિમાસણમાં
વિવિધ સરકારી કર્મચારીઓએ ગાંધીનગરમાં સરકાર સામે મોરચો ખોલતાં સત્યાગ્રહ છાવણી મેદાન પોલીસ છાવણીમાં ફેરવાયું હતું. પરંતુ તેમ છતાંરાજ્યભરમાંથી વન રક્ષકો પણ પોતાની વિવિધ માગણીને લઈને ગાંધીનગર પહોંચી ગયા હતા. કેટલીક મહિલા વનકર્મીઓ પોતાના સંતાનોને પણ આંદોલન સ્થળે સાથે લાવી હતી, ઊંચા અવાજે પોકારાતા સૂત્રોચ્ચાર અને હાથમાં ધારણ કરેલા બેનરોમાં તેમની માગણીઓ અભિવ્યક્ત થઈ રહી હતી. તેમની વિવિધ માગણી પર નજર કરીએ તો ભરતી, બઢતી, નોકરીનો સમય ફિક્સ કરવા, રજા પગાર અને વનરક્ષકને 2800 ગ્રેડ પે અને વનપાલને 4200 ગ્રેડપે આપવા આવી વિવિધ પ્રકારની માગણીઓ સાથે વનકર્મીઓ પાટનગર દોડી આવ્યા હતા.
સત્યાગ્રહ છાવણી પોલીસ છાવણીમાં ફેરવાઈ
તો આ તરફ સત્યાગ્રહ છાવણી ખાતે VCE કર્મીઓની હડતાળ પણ 11માં દિવસમાં પ્રવેશી હતી, પોતાની માગણીઓના ઉલ્લેખ સાથેના બેનર હાથમા લહેરાવતા વીસીઓ આજે થોડા વધારે આક્રમક દેખાઈ રહ્યા હતા. વીસીઈ કર્મીઓઓએ સૂત્રોચ્ચાર સાથે એક વિશાળ રેલી યોજી હતી છેવાડાના ગામડાઓમાં ગ્રામપંચાયતોમાં કામ કરતા આ કર્મચારીઓની માગણીઓનું લિસ્ટ થોડું મોટું છે. જેના પર એક નજર કરીએ તો કમિશન પ્રથા પોલિસી હટાવી ફિક્સ વેતનથી નિમણૂક, સરકારી લાભો સાથે સમાન કામ સમાન વેતન, પરિવારને આરોગ્ય સુવિધા અને વીમા કવચ, VCEની કામગીરીનો જોબ ચાર્ટ નક્કી કરવો, VCEને વર્ગ-3ના દરજ્જાના કર્મચારી ગણવા, ઈ-ગ્રામ પોલિસી હટાવી સરકારી પગાર ધોરણ લાગુ કરવું અને નોકરીની સુરક્ષા આપવાની માગ આવી અનેક પ્રકારની માગણીને લઈને તેઓ છેલ્લાં 11 દિવસથી પાટનગર ગાંધીનગરમાં આંદોલની ધૂણી ધખાવીને બેઠા છેજો કે આજે પોલીસ દ્વારા આંદોલનકાર વીસીઓની અટકાયત કરવામાં આવી હતીજેના કારણે માહોલ તંગદિલી ભર્યો હતો
સરકાર રિઝવવામાં કેટલી સફળ થશે?
આમ, રાજકાજ અને વહીવટનું નગર એવું આપણું પાટનગર ગાંધીનગર, ચૂંટણી પહેલાં અસંતુષ્ટ કર્મચારીઓના આંદોલનું સમરાંગણ બની ગયું છે. રાજ્યના અનેક કર્મચારીઓઓ ચૂંટણીનો મોકો જોઈને સરકાર સામે આંદોલનો ચોકો લગાવી દીધો છે. ત્યારે જોવાનું એ રહેશે કે, અસંતુષ્ટ સરકારી કર્મચારીઓ સરકારને રિઝવવામાં કેટલા સફળ થાય છે. અને ચૂંટણી માંથે છે ત્યારે કર્મચારીઓના તુષ્ટીકરણ માટે સરકારે કેટલું મજબૂર થવું પડે છે