ના હોય / આવું પહેલી વાર : પેટ્રોલ-ડિઝલનાં ટેક્સથી કમાણીમાં તૂટ્યો રેકોર્ડ, જાણો સરકારી તિજોરીમાં કેટલા રૂપિયા આવ્યા 

• પેટ્રોલ-ડીઝલ પર એક્સાઈઝ ડ્યૂટી અને VAT કલેક્શન 5.25 લાખ 
• પર્સનલ ઈનકમ ટેક્સ કલેક્શન 4.69 લાખ કરોડ
• 7 વર્ષમાં ઈંધણ પર ટેક્સની કમાણી 2 ઘણી વધી 

કોરોના મહામારીને રોકવા માટે લગાવવામાં આવેલા લોકડાઉન વખતે દેશમાં પેટ્રોલ અને ડીઝલના ભાવમાં ઘટાડો થયો હતો. ત્યાં જ બીજી તરફ પેટ્રોલ-ડીઝલ પર ટેક્સથી સરકારની કમાણી વધી ગઈ છે. સરકારે મોંઘા પેટ્રોલ, ડીઝલનો બોજો સામાન્ય જનતા પર નાખ્યો અને આ ટેક્સ દ્વારા પહેલી વખત ઈનકમ ટેક્સ કરતા પણ વધારે કમાણી થઈ. આંકડા અનુસાર નાણાંકીય વર્ષ 2020-21માં પર્સનલ ઈનકન ટેક્સ કલેક્શન 4.69 લાખ કરોડ રૂપિયા હતો જ્યારે પેટ્રોલ-ડીઝલ પર એક્સાઈઝ ડ્યુટી અને VATથી કલેક્શન 5.25 લાખ કરોડ રૂપિયા રહ્યો. 

ડાયરેક્ટ ટેક્સ કલેક્શન 9.45 લાખ કરોડ રૂપિયા 
જણાવી દઈએ કે 21 વર્ષમાં એવું પહેલી વખત થયું છે જ્યારે જ્યારે લોકોની ભાગીદારી કંપનીઓ કરતા વધારે હોય. ઈનકમ ટેક્સ વિભાગના આંકડા અનુસાર નાણાકીય વર્ષ 2020-21નાં કુલ ડાયરેક્ટ ટેક્સ કલેક્શન 9.45 લાખ કરોડ રૂપિયા રહ્યા છે. જેમાં કોર્પોરેટ ટેક્સ કલેકશન 4.57 લાખ કરોડ રૂપિયા રહ્યો છે જ્યારે પર્સનલ ઈનકમ ટેક્સ કલેક્શન 4.69 લાખ કરોડ રૂપિયા અને અન્ય ટેક્સ 16,927 કરોડ રૂપિયા રહ્યો છે. 

પેટ્રોલ ડિઝલનું વેચાણ ઘટ્યું
એક રિપોર્ટ અનુસાર નાણાંકીય વર્ષ 2020-21માં પેટ્રોલ-ડીઝલનું વેચાણ તેના પહેલાના વર્ષથી 10.57 ટકા ઘટ્યા છતાં સરકારની તેના પર ટેક્સની કમાણી વધી છે. નાણાંકીય વર્ષ 2020-21માં પેટ્રોલ-ડીઝલ પર ટેક્સથી સરકારને 5.25 લાખ કરોડ રૂપિયાની કમાણી થઈ. નાણાકીય વર્ષ 2019-20માં પેટ્રોલ-ડીઝલ પર એક્સાઈઝ, વેટના રૂપમાં 4.23 લાખ કરોડનું કલેક્શન થયું હતું. 

7 વર્ષમાં ઈંધણ પર ટેક્સની કમાણી બમણા કરતા વધારે 
પેટ્રોલ-ડીઝલ પર ટેક્સથી કેન્દ્ર સરકારે રાજ્યોમાંથી વધારે કમાણી કરી છે. નાણાંકીય વર્ષ 2014-15માં ઈંઘણ પર ટેક્સથી સરકારને 2.36 લાખ કરોડ રૂપિયા જ્યારે 2019-20માં 4.23 લાખ કરોડ રૂપિયા કમાણી કરી. ત્યાં જ નાણાકીય વર્ષ 2020-21માં તેના પર ટેક્સથી કુલ ખર્ચ 5.25 લાખ કરોડ રૂપિયા રહી. 

કયા વર્ષમાં કેટલું રહ્યું ઈનકમ ટેક્સ કલેક્શન? 
ગયા વર્ષની તુલનામાં કમાણી 25 ટકા વધી છે. નાણાંકીય વર્ષ 2014-15માં પેટ્રોલ-ડીઝલ પર ટેક્સની કમાણી 2.36 લાખ કરોડ રૂપિયા, નાણાકીય વર્ષ 2019-20માં 4.23 લાખ કરોડ રૂપિયા અને નાણાકીય વર્ષ 2020-21માં કમાણી 5.25 લાખ કરોડ રૂપિયા રહી. બીજી તરફ નાણાંકીય વર્ષ 2014-15માં ઈનકમ ટેક્સ કલેક્શન 2.58 લાખ કરોડ રૂપિયા, 2019-20માં 4.80 લાખ કરોડ રૂપિયા અને 2020-21માં 4.69 લાખ કરોડ રૂપિયા રહ્યું.