લોકડાઉન / કોરોના સંકટને કારણે GST કલેક્શન પર પડી એવી અસર કે કેન્દ્ર સરકારે આ કામ કર્યુ જ નહીં

એક મળતા રિપોર્ટ અનુસાર સરકાર કોઇ એક મહીનામાં રોકડ સંગ્રહના આધાર પર GST ના આંકડા જારી કરે છે. જો કે સરકારે એપ્રિલના GST કલેકશનના આંકડા જારી કરવા માટે રિટર્ન જમા કરવાની વધેલી તારીખ સુધી રાહ જોવાનો નિર્ણય કર્યો છે. 

સૂત્રોના જણાવ્યાં અનુસાર સરકાર GST કલેકશનના આંકડા જારી કરતા પહેલા 5 મે સુધી રાહ દેખશે. જ્યારે બીજા મળતા એક અહેવાલ મુજબ GST કલેકશન ઘણું ઓછુ રહેવાના કારણે શક્ય છે કે સરકારે આંકડા જારી કર્યાં નથી. 

ઉલ્લેખનીય છે કે કોઇપણ મહીનાના વેપારી પ્રવૃત્તિ માટે GST રિટર્ન પછીના મહીનાની 20 તારીખ સુધી ભરવાનું હોય છે. જેમાં માર્ચની પ્રવૃત્તિઓ માટે 20 એપ્રિલ સુધી રિટર્ન ભરવાનું હતું. હવે આ તારીખને વધીને 5 મે સુધી વધારી દેવામાં આવ્યું છે. 

90 ટકા ઘટાડાની આશંકા

જાણકારોના જણાવ્યાં મુજબ લોકડાઉનના કારણે એપ્રિલ મહીનામાં આસામ, પશ્ચિમ બંગાળ અને આંધ્ર પ્રદેશના GST સંગ્રહમાં 80 થી 90 ટકા ઘટાડો જોવા મળ્યો છે. એટલું જ નહીં કેન્દ્રની પણ એપ્રિલ મહિનાનું કલેકશન 45,000 થી 50,000 કરોડ રૂપિયા સુધી જ થઇ શકે છે, જ્યારે પહેલા એક મહિનામાં અંદાજે 1 લાખ કરોડ રૂપિયા થતું હતું. જાણકારો મુજબ પહાડી રાજ્યોની પરિસ્થિતિ સૌથી વધારે ખરાબ છે, કારણ કે તેમનું મહેસૂલ પ્રવાસી અને હોસ્પિટેલિટીથી આવે છે. 

માર્ચમાં જોવા મળી આવી પરિસ્થિતિ

તેના પહેલા માર્ચ મહિનામાં જીએસટી કલેકશન ઘટીને 97,597 કરોડ રૂપિયા થઇ ગયું. જેમાં કેન્દ્રીય GST નો ભાગ 19,183 કરોડ રૂપિયા રહ્યો. આ રીતે રાજ્ય GST  સંગ્રહ 25,601 કરોડ રૂપિયા રહ્યો. જ્યારે ફેબ્રુઆરીમાં GST 1.05 લાખ કરોડ રહૂપિયા રહ્યો હતો.