સંરક્ષણ / રિટાયર્ડ લેફ. જનરલ અનિલ ચોહાણ બન્યાં દેશના નવા CDS, કેન્દ્ર સરકારે નિયુક્તીને આપી મંજૂરી

• આખરે દેશને મળી ગયા નવા ચીફ ઓફ ડિફેન્સ સ્ટાફ
• નિવૃત લેફ.જનરલ અનિલ ચોહાણ બન્યાં દેશના નવા CDS
• કેન્દ્ર સરકારે આપી લીલીઝંડી
• 40 વર્ષની લશ્કરી સેવાનો અનુભવ ધરાવે છે નવા સીડીએસ
• જનરલ બિપિન રાવતના નિધનને પગલે ખાલી પડ્યો હતો હોદ્દો 

જનરલ બિપિન રાવતના નિધન બાદ ખાલી પડેલ ચીફ ઓફ ડિફેન્સ સ્ટાફની જગ્યા આખરે ભરાઈ ગઈ છે. નિવૃત લેફ. જનરલ અનિલ ચોહાણને સરકારે નવા સીડીએસ તરીકે નિયુક્તી આપી છે. સીડીએસ તરીકે નિવૃત થનારા તેઓ બીજા લશ્કરી અધિકારી છે. દેશના પહેલા સીડીએસ જનરલ બિપિન રાવત હતા જેમનું ડિસેમ્બર 2021માં હેલિકોપ્ટર ક્રેશમાં નિધન થયું હતું ત્યારથી આ હોદ્દો ખાલી પડ્યો હતો. નવા સીડીએસ અનિલ ચોહાણ 40 વર્ષની લશ્કરી કરીયર ધરાવે છે અને ભારતીય સેનાના એક બાહોશ અધિકારી છે. 

Government appoints Lt General Anil Chauhan (Retired) as the next Chief of Defence Staff (CDS)

(file photo) pic.twitter.com/fLxIsXELq7

— ANI (@ANI) September 28, 2022

40 વર્ષની સેવા ધરાવે છે જનરલ અનિલ ચોહાણ 
લેફ.જનરલ અનિલ ચોહાણ 40 વર્ષની લશ્કરી સેવાનો બહોળો અનુભવ ધરાવે છે. અનિલ ચોહાણે ઘણા કમાન્ડ, સ્ટાફ અને બીજા મહત્વના હોદ્દાઓ શોભાવ્યાં છે અને તેઓ જમ્મુ કાશ્મીર, નોર્થ ઈસ્ટમાં આતંકવાર વિરોધી અભિયાનોમાં ખૂબ ઊંડો અનુભવ ધરાવે છે. 

કોણ છે દેશના નવા સીડીએસ 
રક્ષા મંત્રાલય તરફથી જાહેર કરવામાં આવેલી જાણકારી અનુસાર અનિલ ચોહાણ ભારત સરકારના લશ્કરી બાબતોના સચિવ તરીકે પણ કામ કરશે. 18 મે, 1961ના રોજ જન્મેલા લેફ્ટિનેન્ટ જનરલ અનિલ ચૌહાણ 1981માં ભારતીય સેનાની 11 ગોરખા રાઇફલ્સમાં સામેલ થયા હતા. તેઓ નેશનલ ડિફેન્સ એકેડમી, ખડકવાસલા અને ઇન્ડિયન મિલિટરી એકેડેમી, દહેરાદૂનના ભૂતપૂર્વ વિદ્યાર્થી છે. મેજર જનરલ રેન્ક ધરાવતા આ અધિકારીએ નોર્ધન કમાન્ડના મહત્ત્વના બારામુલ્લા સેક્ટરમાં ઇન્ફન્ટ્રી ડિવિઝનની કમાન સંભાળી હતી. બાદમાં લેફ્ટનન્ટ જનરલ તરીકે તેમણે નોર્થ ઇસ્ટમાં એક કોર્પ્સની કમાન સંભાળી હતી. ત્યારબાદ સપ્ટેમ્બર 2019થી ઈસ્ટર્ન કમાન્ડના જનરલ ઓફિસર કમાન્ડિંગ-ઈન-ચીફ બન્યા અને મે 2021માં રિટાયર થયા.

જનરલ બિપિન રાવતનું હેલિકોપ્ટર ક્રેશમાં નિધન થતા ખાલી પડ્યો હતો હોદ્દો
ઉલ્લેખનીય છે કે 8 ડિસેમ્બર 2021ના દિવસ સીડીએસ જનરલ બિપિન રાવતનું હેલિકોપ્ટર ક્રેશમાં નિધન થતા આ હોદ્દો ખાલી પડ્યો હતો. જનરલ બિપિન રાવતની સાથે તેમની પત્ની મધુલિકા રાવત અને બીજા કેટલાક કર્મચારીઓનું મોત થયા હતા.