આરોગ્ય વિભાગ / નર્સિંગ સ્ટાફ સહિતના કર્મચારીઓની હડતાળથી નારાજ સરકાર, આ એક મુજબ કાર્યવાહીની આપી ચેતવણી

• આરોગ્ય અગ્ર સચિવ ડો.જયંતિ રવીનુ નિવેદન
• નર્સિંગના આઉટ સોર્સિંગ કર્મચારી હડતાળની ચીમકી આપી
• એપેડેમીક એકટ આધારે કાર્યવાહી કરવાની સૂચના આપી છે

આરોગ્ય અગ્રસચિવ ડો. જયંતિ રવીએ નિવેદન કર્યુ છે. તેમણે જણાવ્યું છે કે, નર્સિંગના આઉટ સોર્સિંગ સહિત અનેક કર્મચારીઓ દ્વારા અલગ-અલગ હડતાળની ચીમકી આપી રહ્યા છે. આ બિલકુલ બિનજવાબદારી પૂર્વકનું વર્તન છે. એક તરફ સમગ્ર આરોગ્ય વિભાગ અને અન્ય લોકો રાત-દિવસ એક કરીને મહેનત કરી રહ્યા છે. તેવા સમયમાં કોઈ પણ પ્રકારની માગણી કરવી તે બેજવાબદાર વર્તન છે. અમે તમામ વિભાગને કાયદાકીય કાર્યવાહી માટે સૂચના આપી દીધી છે. અને આ પ્રકારની હડતાળ પર જવાની ચીમકી આપતા કર્મચારીઓ વિરુદ્ધ એપેડેમિક એક્ટ આધારે કાર્યવાહી થશે. સાથે જયંતિ રવિએ તમામ લોકોને અપીલ પણ કરી છે. આ સમયમાં સારવાર માટે પોતાનો સમય આપી આંદોલન ન કરવાની વાત કહી છે. 

ગુજરાતમાં કોરોનાની સ્થિતિ

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 7,135 નવા કેસ નોંધાયા છે, તો 81 લોકોના સંક્રમણના કારણે મોત નિપજ્યા છે. આજે ફરી એક વખત ગુજરાતમાં, કોરોનાની બીજી લહેરમાં કોરોનાના કેસ કરતા આજે સાજા થનારનો આંકડો વધુ છે. જો કે, ગઈકાલ કરતા મોતની સંખ્યામા ઘટાડો થયો છે.

ગાંધીનગરમાં તૌકતે વાવાઝોડા વિશે માહિતી આપવા દરમિયાન મુખ્યમંત્રીએ ગુજરાતમાં લોકડાઉન અંગે પણ જાહેરાત કરી છે. જેમાં 19, 20 અને 21 મે સુધી આંશિક લોકડાઉનનો સમય લંંબાવ્યો છે. મહત્વનું છે કે, 18 મેના દિવસે આંશિક લોકડાઉનનો સમય પૂર્ણ થઈ રહ્યો હતો. પરંતુ ગુજરાત પર વાવાઝોડાના સંકટના કારણે આંશિક લોકડાઉનમાં વધારો કર્યો છે. જો કે, મુખ્યમંત્રીએ કહ્યું કે, ત્રણ દિવસ પછી લોકડાઉન વિશે વિચારવામાં આવશે. સાથે મુખ્યમંત્રીએ કોરોનાના કેસ વિશે પણ નિવેદન આપ્યું હતું. મુખ્યમંત્રીએ કહ્યું કે, રાજ્યમાં કોરોનાના કેસમાં ઘટાડો થઈ રહ્યો છે. 

જરૂરિયાતની આવશ્યક સેવાઓ શરૂ રહેશે

ભારત સરકારના ગૃહ મંત્રાલયની માર્ગદર્શિકા સંદર્ભે ગુજરાતના 36 શહેરોમાં વધારાના મર્યાદિત નિયંત્રણો અંગે મુખ્યમંત્રી રૂપાણી દ્વારા જાહેરાત કરાઈ છે. ૧૮મી મે ૨૦૨૧થી રાત્રે ૮ વાગ્યાથી સવારે ૬ વાગ્યા સુધીના આ રાત્રી કર્ફ્યુનો અમલ તા.૨૧મી મે ૨૦૨૧ની સવારે ૬ વાગ્યા સુધી આ શહેરોમાં કરવાનો રહેશે. ૮ મહાનગરો સહિત ૩૬ શહેરોમાં રાત્રિના ૮ થી સવારના ૬ વાગ્યા સુધી કોરોના કરફ્યુ અને વધારાના મર્યાદિત નિયંત્રણો લાગુ રહેશે. આ નિયંત્રણો દરમિયાન તમામ આવશ્યક સેવાઓ ચાલુ રહેશેઃ અનાજ-કરિયાણાની દુકાન, શાકભાજી, ફળ-ફળાદિ, મેડિકલ સ્ટોર, મિલ્ક પાર્લર, બેકરી, ખાદ્યપદાર્થોની દુકાનો તથા ચશ્માની દુકાનો ચાલુ રહેશે