BIG NEWS / હજારો રોજગારીની તકો ઊભી થશે..ગુજરાતમાં નવી 21 GIDC બનાવવાની સરકારની જાહેરાત, જુઓ કયા વિસ્તારમાં સ્થપાશે

• રાજ્યમાં નવી 21 GIDC બનાવવાની સરકારની જાહેરાત
• સત્રમાં ઉદ્યોગ વિભાગની માંગણીઓ પરના જવાબમાં મહત્વની જાહેરાત
• અમદાવાદના ગાંગડને મળશે નવી GIDC

સરકારે વધુ એક મહત્વની જાહેરાત કરી છે. રાજ્યમાં નવી 21 GIDC બનાવવાની જાહેરાત કરાઈ છે. સત્રમાં ઉદ્યોગ વિભાગની માંગણીઓ પરના જવાબમાં મહત્વની જાહેરાત કરાઈ છે. જેમાં અમદાવાદના ગાંગડને નવી GIDC મળશે.

આ જગ્યાએ નવી GIDC બનશે
બનાસાકાંઠાના થરાદ, વડગામ, લવાણા, ભીલડી, પાલનપુરમાં નવી GIDC બનશે તેવી જાહેરાત કરાઈ છે. પાટણના સિદ્ધપુર અને સાંતલપુર તેમજ રાજકોટના વિંછિયામાં નવી જીઆઈડીસી બનશે. ભરૂચના આમોદ તેમજ મહેસાણાના જોટાણા તથા નાની ભલુમાં જ્યારે ગાંધીનગરના કડજોદરા નવી જીઆઈડીસી સ્થાપાશે. છોટા ઉદેપુરના લડોદમાં અને  અમરેલીના સાવરકુંડલા તેમજ ગીર સોમનાથના નવા બંદર માં નવી GIDCમાં બનાવવાની જાહેરાત કરાઈ છે. ખેડાના ઠાસરા પણ નવી GIDC બનશે.

ઉદ્યોગ વિભાગ જમીનની ઉપલબ્ધતાનો માટે અભ્યાસ કરાશે તેમજ ઉદ્યોગ સ્થાપના માટે આનુષંગિક વ્યવસ્થાનો પણ અભ્યાસ કરવામાં આવશે. ઉદ્યોગમંત્રી બળવંતસિંહ રાજપૂતે ગૃહમાં જાહેરાત કરી છે. રાજ્યમાં નવી 21 GIDC બનાવવાની જાહેરાત કરાઈ છે ત્યારે આ નિર્ણયથી રોજગારીની તકો વધશે.