કેન્દ્ર સરકારે છેતરપિંડીથી બચવા માટે સાઈબર દોસ્ત દ્વારા ટ્વીટ કરીને બે ઈ મેલ અકાઉન્ટ બનાવવાની જાણકારી આપી છે. જાણો વિગતવાર
એક જ ઈ મેલ દ્વારા બધું જ કામ કરવું ખતરનાક
સરકારે આપી બે ઈ મેલ આઈડી યૂઝ કરવાની સલાહ
એક ઈ મેલ આઈડી ફાઈનાન્સિયલ ટ્રાન્ઝેકશન માટે અને બીજું સોશિયલ નેટવર્કિંગ સાઈટ્સ માટે
એક જ ઈ મેલ દ્વારા બધું જ કામ કરવું ખતરનાક
શું તમે પણ એ લોકોમાં સામેલ છો, જે એક જ ઈમેલથી બધું કામ કરે છે? એટલે કે ફાઈનાન્સિયલ ટ્રાન્ઝેકશન અને સોશિયલ નેટવર્કિંગ સાઈટ પર રજીસ્ટ્રેશન માટે પણ તે જ ઈમેલ આઈડીનો ઉપયોગ કરો છો. જો જવાબ હા છે તો સાવધાન થઇ જાઓ. આનાંથી તમે તકલીફોમાં મુકાઈ શકો છો. તમે ઓનલાઈન ઠગોની જાળમાં પણ ફસાઈ શકો છો. આ સલાહ સરકારે પોતે આપી છે. સરકારે કહ્યું છે કે ફાઈનાન્સિયલ ટ્રાન્ઝેકશન અને સોશિયલ નેટવર્કિંગ સાઈટ્સ પર રજીસ્ટ્રેશન માટે ક્યારેય પણ એક જ ઈ મેલ આઈડીનો ઉપયોગ ન કરવો જોઈએ. આ બંને કામ માટે અલગ અલગ ઈ મેલ આઈડી બનાવો, જેથી કોઈ આર્થિક નુકસાન ન થાય.
ઓનલાઈન ફ્રોડમાં સૌથી મોટો રોલ ઈ મેલ આઈડીનો પણ છે. ફ્રોડ કરનાર સ્કેમનો સહારો લે છે અને નકલી મેલ મોકલે છે. મેલમાં ખતરનાક લિંક હોય છે, જેનાં પર ક્લિક કરતા જ બેન્ક કે સોશિયલ સાઈટ્સ સાથે જોડાયેલ જાણકારી તેમની પાસે ચાલી જાય છે. આ પ્રકારની અનેક ઘટનાઓ આજકાલ સામે આવી રહી છે. સોશિયલ નેટવર્કિંગ સાઈટ્સ આ પ્રકારની છેતરપિંડીનાં સૌથી મોટા માધ્યમ છે. આ સાઈટ્સ પર જાતજાતનાં પ્રલોભનો આપવામાં આવે છે. લોકો આનાંથી આકર્ષિત થઈને ખોટી લિંક પર ક્લિક કરે છે અને ઘણી વાર ખુદ જ પોતાની જાણકારી આપી દે છે. પછી જાણ થાય છે કે તેમનું અકાઉન્ટ તો ખાલી થઇ ગયું છે. આનાંથી બચવા માટે બે ઈમેલ આઈડી બનાવવા જોઈએ.
Prefer to make at least two separate e-mail accounts. One may be for financial transactions and another e-mail account for registering on social networking sites. This will protect your primary account from online stalkers.
શું કહ્યું સરકારે?
કેન્દ્રીય ગૃહ મંત્રાલય સાઈબર સુરક્ષા પ્રત્યે લોકોને સચેત કરવા માટે સાઈબર દોસ્ત નામથી ટ્વીટર અકાઉન્ટ ચલાવે છે. આ ટ્વીટર હેન્ડલ સિક્યોરિટી સાથે જોડાયેલ સલાહ આપે છે. આ હેન્ડલ જનાવ છે કે ઓનલાઈન દુનિયામાં કેમ સચેત રહીને પોતાનું કામ પૂરું કરવાનું છે. સાઈબર દોસ્તે જ ઓનલાઈન યૂઝરને બે ઈ મેલ આઈડી બનાવવાની સલાહ આપી છે.
ટ્વીટમાં કહવામાં આવ્યું છે કે ઓછામાં ઓછા બે અલગ અલગ ઈમેલ બનાવો. એક ઈ મેલ અકાઉન્ટથી ફાઈનાન્સિયલ ટ્રાન્ઝેકશન કરો અને બીજાથી સોશિયલ નેટવર્કિંગ સાઈટ્સ માટે રજિસ્ટર કરો. એક જ ઈ મેલથી બંને કામ ન કરો. આમ કરવાથી તમારા પ્રાઈમરી અકાઉન્ટને ઓનલાઈન સ્કેમથી પણ બચાવી શકાશે.
ઈ મેલ દ્વારા છેતરપિંડી
ઓનલાઈન દુનિયામાં ચાલાક અપરાધીઓ સૌથી પહેલા તમારા ઈ મેલ આઈડી પર નજર રાખે છે. તમારી નાની બેદરકારી સાઈબર અપરાધીઓને ઈ મેલ અકાઉન્ટ હેક કરવાની છૂટ આપે છે. ઈ મેલનાં માધ્યમથી તમારા પાસવર્ડ કે પિનની ચોરી માટે સાઈબર અપરાધીઓ મેલવેયરનો ઉપયોગ કરે છે. તમારા ઈ મેલ અકાઉન્ટનાં હેક થઈ જવા પર સાઈબર ઠગો તેનો ઉપયોગ સોશિયલ મીડિયા અકાઉન્ટ, બેન્ક અકાઉન્ટ વગેરેની મહત્વની માહિતી મેળવવા માટે કરે છે. એક વાર આ જાણકારી તેમને મળી જાય છે, તો તમારું અકાઉન્ટ ખાલી કરવું તેમના માટે સરળ બની જાય છે.