મહામારી / આ તો ઉપાધિ થઈ, સરકારે સ્વીકાર્યું, કોરોના વેક્સિનથી થાય છે આટલી આટલી આડઅસર

• હવે આમાં કેમ લડાશે કોરોના સામે
• ICMR અને CDSCOના સ્વીકારથી ચિંતા વધી
• કહ્યું કોરોના વેક્સિનથી થાય છે ઘણી આડસર 
• RTIના જવાબમાં કર્યા કાવનારા ખુલાસા  

કોરોના સામે લડવા માટે મૂકાતી વેક્સિનની ઘણી બધી આડઅસર થાય છે તેવું હવે ખુદ સરકારે છડેચોક જાહેર કરતા ચિંતા વધી છે. સરકારની બે મોટી સંસ્થાઓ ઈન્ડિયન કાઉન્સિલ ઓફ મેડિકલ રિસર્ચ (ICMR) અને સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશને (CDSCO) પુણે સ્થિત બિઝનેસમેન પ્રફુલ્લ સારડા દ્વારા દાખલ કરાયેલી RTIના જવાબમાં ચોંકાવનારા ખુલાસા કર્યા છે.

Vaccines or villains? Government admits multiple side-effects of #COVID19 jabs in RTI reply

Read: https://t.co/t4uvvZLjP9 pic.twitter.com/HmW9qeLoIA

— IANS (@ians_india) January 16, 2023

કોરોના વેક્સિનની અનેક આડઅસર- બે સરકારી સંગઠન 
કોરોના સામેની 5 વેક્સિનની આડઅસર પર આરટીઆઈના જવાબમાં ICMRના ડૉ. લિયાના સુસાન જ્યોર્જ અને CDSCOSના સુશાંત સરકારે અનેક પ્રકારની આડ અસરો વિશે માહિતી આપી છે. સરકારના બે સંગઠનોએ સ્વીકાર્યું છે કે કોરોનાને નાબૂદ કરવા માટે વપરાતી વેક્સીનની એક નહીં પરંતુ અનેક આડઅસર છે. ઈન્ડિયન કાઉન્સિલ ઓફ મેડિકલ રિસર્ચ (ICMR) અને સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO) એ પુણે સ્થિત બિઝનેસમેન પ્રફુલ્લ સારડા દ્વારા દાખલ કરાયેલી RTIના જવાબમાં ચોંકાવનારા ખુલાસા કર્યા છે.

રસીઓ અને તેની આડ અસરો
બે સરકારી સંસ્થાએ આપેલી માહિતી અનુસાર કોરોના વેક્સિનની આડઅસરોમાં સતત ઉલટી થવી, પેટમાં સતત દુખાવો થવો, શ્વાસ ચડવો, છાતીમાં દુખાવો, આંખમાં દુખાવો, અસ્પષ્ટ દ્રષ્ટિ, ઉલટી સાથે પેટમાં દુખાવો, માથાનો દુખાવો, લાલ ફોલ્લીઓ અથવા ઉઝરડા, ચોક્કસ બાજુ અથવા શરીરના ભાગોમાં નબળાઇ, સોજાની સમસ્યા સામેલ છે. એટલું જ નહીં પરંતુ બોડી પેન અથવા હાથ દબાવતાં દુખાવો પણ સામે આવ્યો છે.

Covax ની આડઅસર
Covax ની આડઅસરો તરીકે ઈન્જેક્શન લીધું હોય ત્યાં દુખાવો, માથાનો દુખાવો, સાંધામાં દુખાવો, હાથ પર ખંજવાળ, થાક, અસ્વસ્થતા, પીઠનો દુખાવો, ઉલટી ઉબકા, ઠંડી લાગવી, અસ્થિરતા, તાવ, શરીરમાં દુખાવો અથવા અવયવોમાં વધુ પડતો દુખાવો થઈ શકે છે , સ્નાયુઓમાં પણ દુખાવોએ આ વેક્સિનની આડઅસર છે.

Covaxinની આડઅસર
Covaxin ના હળવા લક્ષણોમાં પરસેવો, શરદી, ચક્કર, ઉલટી, તાવ, ઉધરસ, શરીરમાં દુખાવો, ચક્કર, પેટમાં દુખાવો, ઉબકા, ધ્રુજારી, માથાનો દુખાવો અને થાકનો સમાવેશ થઈ શકે છે.

Sputnik V વીની આડ અસર
Sputnik V વીની આડ અસરોમાં સામાન્ય અસ્વસ્થતા,  અપચો, ભૂખ ન લાગવી, માથાનો દુખાવો, અથવા ક્યારેક ઈન્જેક્શન લીધું હોય એ હાથમાં દુખાવો, ઉબકા, ઠંડી લાગવી, તાવ વગેરેનો સમાવેશ થાય છે.

Carbivax ની આડઅસર
Carbivax ની આડઅસર છે જેમ કે સોજો આવવો, ફોલ્લીઓ, ખંજવાળ, બર્નિંગ, થાક, શરીરમાં દુખાવો, તાવ/પાયરેક્સિયા, માથાનો દુખાવો, શરદી, સુસ્તી, તેમજ ઈન્જેક્શન લીધું હોય એ હાથમાં દુખાવો, ઉબકા વગેરે છે.