Coronavirus / કોરોના વાયરસની વેક્સીન પહેલા કોને મળશે? ભારત કરી રહ્યું છે આ તૈયારી

• દુનિયાભરમાં મહામારીથી માનવીઓને બચાવવા માટે વેક્સીન પર કામ પુરજોશમાં ચાલી રહ્યું છે
• ડબલ્યૂએચઓએ કોવિડ 19ની સંભવિત સારવાર માટે દવાઓનું ટ્રાયલ શરૂ કર્યું છે

ભારતની છે આ તૈયારી

ડિપાર્ટમેન્ટ ઓફ બાયોટેક્નોલોજી (ડીબીટી) ની સચિવ રેણુ સ્વરૂપે એક ન્યૂઝ પેપર સાથેની વાતચીતમાં જણાવ્યું કે વેક્સીન બનાવનારી ઘરેલૂ કંપનીઓ માટે નિયમનકારી મંજૂરીઓ આપવા અને દિશાનિર્દેશ તૈયાર કરવાનું કામ શરૂ થઇ ચૂક્યું છે. તેઓએ કહ્યું કે ભારત વેક્સીનનું સોલિડેરિટી ટ્રાયલ શરૂ કરવા માટે વિશ્વ સ્વાસ્થ્ય સંગઠન (WHO) જેવી વૈશ્વિક સ્વાસ્થ્ય સંસ્થાઓની સાથે વાતચીત કરી રહ્યું છે. ડબલ્યૂએચઓએ કોવિડ 19ની સંભવિત સારવાર માટે દવાઓનું ટ્રાયલ શરૂ કર્યું છે. 

દુનિયાની ઘણી દવા કંપનીઓ કોરોનાની વેક્સીન પર કામ કરી રહી છે. વેક્સીન સફળ રહી તો મોટી માત્રામાં તેનું ઉત્પાદન કરવું પડશે અને આ માટે તે ભારતીય વેક્સીન કંપનીઓને સાથે જોડવા માંગે છે. તેને લઇને ગત સપ્તાહે સીરમ ઇન્સ્ટીટ્યૂટ ઓફ ઇન્ડિયા અને બ્રિટેનની દવા કંપની એસ્ટ્રોજેનેકાએ જાહેરાત કરી હતી કે વેક્સીન બનાવવા માટે વાતચીત ચાલી રહી છે. યૂનિવર્સિટી ઓફ ઓક્સફર્ડે એસ્ટ્રોજેનેકાને આ કામ સોંપ્યુ છે. 

8 વેક્સીન બીજા અને ત્રીજી સ્ટેજમાં છે

દુનિયામાં કોરોનાની 8 સંભવિત વેક્સિનનું કામ બીજા અને ત્રીજા સ્ટેજમાં છે. તેમા ચીનની ચાર સંસ્થાઓ પેઇચિંગ ઇન્સ્ટીટ્યૂટ ઓફ ટેક્નોલોજી, કૈનસાઇનો, ફોસુન વિકસિત કરી રહી છે. બાકી અન્ય વેક્સીન મૉડના, ઇનોવિયો, ક્યૂરાવેક અને ફાઇજર બનાવી રહી છે. અમેરિકા, બ્રિટેન અને ફ્રાન્સ જેવા દેશ વેક્સીન બનાવી રહેલી કંપનીઓને અરબો ડૉલર આપીને પોતાના માટે વેક્સીન સપ્લાઇ સુનિશ્ચિત કરી રહી છે. હવે જો તેમાંથી કોઇપણ કંપનીની વેક્સીન સફળ રહે છે તો તેના પર પહેલો હક આ દેશોનો રહેશે. 

રેણુ સ્વરુપે કહ્યું કે, જો વૈશ્વિક દવા કંપનીઓની વેક્સીન સફળ રહે છે અને ભારતીય કંપનીઓ તેનુ ઉત્પાદન કરવા ઇચ્છે છે, તો અમારી કોશિશ રહેશે કે તેના માટે પૂર્ણ તૈયારી હોય. અમે કોઇપણ અસરકારક વેક્સીનને દરેક મોરચે જલ્દી જ મંજૂરી આપીશું. 

કોરોના વાયરસની નવી વેક્સીન, દવા અને ડાયગ્નોસ્ટિક્સને ચકાસવાની જવાબદારી ડીબીટીને અપાઇ છે. ગત મહીને 500 પ્રસ્તાવોની સમીક્ષા કર્યા બાદ ઘણી કંપનીઓને ફન્ડિંગ કરવાની જાહેરાત કરી હતી. આ પ્રસ્તાવ કોરોના વાયરસ અને ડાયગ્રોસ્ટિક્સથી સંબંધિત હતી. જ્યાં સુધી વેક્સીનનો સવાલ છે તો ભારત બાયોટેક, ઝાયડસ કેડિલા અને સીરમને તેમના કામ માટે ફન્ડિંગ મળ્યું છે. 

ડીબીટીને આશા છે કે તેમાંથી કેટલીક કંપનીઓની વેક્સીન આવતા કેટલાક મહીનામાં ક્લિનિકલ સ્ટેજમાં આવી જશે. ડીબીટી કોએલિશન ફોર વેક્સીન પ્રીપેયર્ડનેસ ઇનોવેશન્સ (CEPI) અને યુએસના નેશનલ ઇન્સ્ટીટ્યૂટ ઓફ હેલ્થ જેવી સંસ્થાઓ સાથે પણ હાથ મિલાવી રહ્યું છે.