VIDEO:માનીતા બિલ્ડરોને આપેલ સુવિધા મુદ્દે અલ્પેશ ઠાકોરના સરકાર પર આક્ષેપ

ગાંધીનગર:કોંગ્રેસના ધારાસભ્ય અલ્પેશ ઠાકોરે વિધાનસભા ગૃહમાં સરકાર પર FSIને લઈને ગંભીર આક્ષેપ લગાવ્યા છે.ચૂંટણી પહેલા ખાસ બિલ્ડરોને અપાયેલી સુવિધા સામે વાંધો ઉઠાવ્યો છે.સરકારે નિયમો નેવે મૂકીને 45 કેસમાં  બિલ્ડરોને સ્પેશિયલ કેસમાં મંજૂરી આપી છે.

તત્કાલિન શહેરી વિકાસમંત્રી રજા પર હોવા છતાં ઈન્ચાર્જ દ્વાર મંજૂરી આપવામાં આવી હોવાનો આક્ષેપ કરવામાં આવ્યો છે.આ સમગ્ર ઘટનાક્રમમાં ધર્મેશ નામના વ્યક્તિએ ખેલ પાડયો હોવાનું સામે આવ્યું છે.વિપક્ષ આ સમગ્ર મામલો જાણતો હતો છતાં વિપક્ષ ભેદી રીતે ચૂપ રહ્યો હતો તેવો પણ આક્ષેપ કરવામાં આવ્યો છે.

સમગ્ર બનાવ બાબતે નાના બિલ્ડરોમાં ગણગણાટ ઊભો થયો છે.એટલું જ નહી એક બ્લોકમાં બે બિલ્ડિંગને જુદી જુદી FSI મંજૂર કરાઈ હોવાનો આક્ષેપ કર્યો હતો.અલ્પેશ ઠાકોરે આક્ષેપ કરતાં જણાવ્યું હતું કે વાયા FSI લાભ થી  બિલ્ડરો પાસેથી મળેલા નાણાં ભાજપે ચૂંટણીમાં વાપર્યા હોવાના ગંભીર આક્ષેપ કર્યા હતા.