ગોંડલ માર્કેટિંગ યાર્ડમાં છેલ્લા 17 વર્ષથી ચેરમેનપદે જયંતીભાઈ ઢોલ એક હથ્થુ સાશન ચલાવી રહ્યા છે. ચેરમેનપદની અઢી વર્ષની ટર્મ પુરી થતા આજે ચૂંટણી યોજાઈળ હતી. જેમાં સર્વાનુમતે ગોપાલભાઈ શિંગાળાની ચેરમેન તરીકે નિમણૂક થઈ છે.
કુલ 17 સદસ્ય ધરાવતા ગોંડલ યાર્ડમાં ચેરમેનપદનો અઢી વર્ષનો કાર્યકાળ પૂર્ણ થતા આજે અઢી વર્ષના અન્ય કાર્યકાળ માટે ચૂંટણી યોજાઈ હતી. આ ચૂંટણીમાં પોતાનું એકહથ્થુ શાસન ચલાવતા જયંતિભાઈ ઢોલે ઉમેદવારી કરી ન હતી અને તેમને સંમતિથી આ ઉમેદવારી ન કરી હોવાની વાત સામે આવી હતી.
પરંતુ યાર્ડમાં ગણગણાટ હતો કે તેમને ખુશીથી નહી પણ દબાણવશ ઉમેદવારી નોંધાવી નથી. નવા ચેરમેનની વરણી સમયે પૂર્વ ચેરમેન નજરે ન પડતા આ મામલો ગરમાયો હતો. જો કે આ વાતને નવા ચેરમેને રદીયો આપ્યો હતો અને તેમને તમામ લોકોનું સમર્થન હોવાની વાત કરી હતી.