છેલ્લી તક / ગૂગલની આ સર્વિસ થઇ જશે બંધ, બૅક-અપ લઇ લેજો નહીંતર ક્યારેય નહી મળે ડેટા પરત 

• Google તેની સર્વિસ કરશે બંધ
• બૅક-અપ ન લીધો તો પસ્તાશો
• ક્યારેય ડૅટા નહી મળે પરત 

ગૂગલની આ સર્વિસ થઇ ગઇ છે બંધ 
એક રિપોર્ટ અનુસાર ગયા વર્ષે ડિસેમ્બર મહિનામાં ગૂગલે પોતાની પ્લે મ્યુઝીક સર્વિસને બંધ કરી દીધી હતી. કંપનીએ યુઝર્સને જાણકારી આપી હતી કે હવેથી આ સર્વિસ ઉપલબ્ધ નહી રહે. 

24 ફેબ્રુઆરી બાદ ડિલીટ થઇ જશે ડેટા 
મળતી માહીતી અનુસાર ગૂગલે હાલમાં જ આ વાતની જાણકારી આપી છે કે આ સર્વિસને સર્વરમાંથી ડિલીટ કરી દેવામાં આવશે. દરેક યુઝરને સૂચના આપવામાં આવી છે કે 24 ફેબ્રુઆરી 2021 પહેલા બધો ડેટા લઇ લેવામાં આવે નહીંતર ગૂગલ બધી જ માહીતી સર્વર પરથી ડિલીટ કરી દેશે. એટલે કે યુઝર્સ ભવિષ્યમાં ક્યારેય પોતાનો ડેટા પાછો નહી મેળવી શકે. 

ક્યા ડેટાનું થઇ શકે છે નુકસાન
કોઇ યુઝરે પોતાની મ્યૂઝિક લાઇબ્રેરી બનાવી હોય, લેવડ દેવડ અને મ્યુઝિક ફાઇલ્સને પ્લે મ્યુઝિકમાં અપલોડ કરવામાં આવ્યું હતું. કંપનીનું કહેવુ છે કે 24 ફેબ્રુઆરી બાદ તમે આ સર્વિસમાં રહેલો કોઇ પણ ડેટા નહી મેળવી શકો. 

યુટ્યુબ મ્યુઝિક છે રિપ્લેસમેન્ટ 
મળતી માહીતી અનુસાર ગુગલે પ્લે મ્યુઝીકને યુટ્યુબ મ્યુઝિક સાથે રિપ્લેસ કરી દીધુ છે. તમામ પ્લે મ્યુઝિક અને તેમના ડેટાને યુટ્યુબ મ્યુઝીકમાં માઇગ્રેટ કરી દેવામાં આવશે. 

આવી રીતે લઇ શકશો બેકઅપ 
પ્લે મ્યુઝિકનું બૅક અપ લેવા માટે તમારે યુટ્યુબ મ્યુઝિકની મદદ લેવી પડશે. તમે પ્લે સ્ટોરથી યુટ્યુબ મ્યુઝિક ડાઉનલોડ કરીને પોતાની મ્યુઝિક ઍપનો સંપૂર્ણ ડેટા ટ્રાંસફર કરી શકો છો.