Google પર અનલિમિટેડ ફ્રી ક્લાઉડ સ્ટોરેજ 1 જૂન એટલે કે આજથી ખત્મ થઇ જશે. Googleએ ગયા વર્ષે આ ઘોષણા કરી હતી.
Googleની આ સર્વિસ થઇ ગઇ બંધ
હવે તમારે પૈસા ભરીને લેવુ પડશે સબસ્ક્રિપ્શન
6 વર્ષથી આપી રહ્યું હતુ ફ્રી સેવા
આજથી લાગૂ થયેલા નિયમોથી યુઝર્સ ડરી રહ્યાં છે કે તેમના વીડિયો અને તસવીરો કે જે Google ફોટોઝમાં સુરક્ષિત રહેતા હતા તે ગુમાવી તો નહી બેસે ને.
જે યુઝર્સેGoogle ફોટો પર 15 GBથી ઓછુ મીડિયા કન્ટેન્ટ સ્ટોર કર્યુ છે તેમને ચિંતા કરવાની જરૂર નથી. તેનાથી વધારે કન્ટેન્ટ સ્ટોર કર્યુ છે તે લોકોએ પહેલાથી જ પોતાના વીડિયો અને ફોટોઝનું બેકઅપ લેવાનું શરૂ કરી દીધુ હતુ.
Google ફોટોઝની શરૂઆત 6 વર્ષ પહેલા 25 મે 2015ના રોજ થઇ હતી. આ ફોટો શેરિંગ અને સ્ટોરેજ સર્વિસ હતી. ત્યારથી આ સેવા બધા જ યુઝર માટે ફ્રી રાખવામાં આવી હતી. જેના પર તમે હાઇ ક્વોલિટી ફોટોઝ અને વીડિયો અપલોડ કરી શકતા હતા. હવે તમારે આ સ્પેસનો વપરાશ કરવા માટે Google વનનું સબસ્ક્રિપ્શન લેવું પડશે.
Google વનના સબસ્ક્રિપ્શન પ્લાન અનુસાર 100GBના સ્ટોરેજ માટે તમારે 1499 રૂપિયા વાર્ષિક ભરવા પડશે. તમે ઇચ્છો તો મંથલી પ્લાન પણ લઇ શકો છો. મંથલી તમારે 149 રૂપિયાનું રિચાર્જ કરવુ પડશે. જો તમે વધારે ડેટા સ્ટોર કરો છો તો તમારી પાસે 200 GBનો પ્લાન પણ હશે તેમાં તમે 2199 રૂપિયા ભરીને સબસ્ક્રાઇબ કરી શકો છો.